خبر تانى من العربية نت
يستيعدون ذكريات ليلة "الدخلة" بغشاء بكارة جديدعيادات في القاهرة تستقبل راغبات إعادة العذرية لإمتاع أزواجهن
رأي شرعي: لا مشكلة
رأي طبي: تدليس
جراحات لاستعادة ليلة "الدخلة"

دبي - فراج اسماعيل
ظهرت في مصر ظاهرة جديدة غير مألوفة تتمثل في لجوء بعض الزوجات إلى عيادات متخصصة في القاهرة لإجراء جراحات إعادة غشاء البكارة، احتفالا بعيد الزواج. ويتمثل في التقليد الذي ينتشر في "الطبقة المخملية" في مصر، ليتزامن عيد الزواج مع "ليلة دخلة" جديدة بعد عملية إعادة الغشاء.
وفيما رأى الداعية المصري الشيخ صفوت حجازي إنه لا مانع شرعا من اجراء الزوجة عملية اعادة غشاء البكارة من أجل الاستمتاع في العلاقة الخاصة مع زوجها بشرط أن تكون غير ضارة طبيا، رفضتها د.هبة قطب استاذة الطب الجنسي والشرعي بجامعة القاهرة ووصفتها بأنها من السفه وقد تفتح الطريق للتدليس.
وكان تقرير صحفي نشرته إحدى المجلات المصرية تحدث عن اتجاه بعض الزوجات في الطبقة الراقية اجراء عمليات جراحية لاعادة غشاء البكارة حتى يشعر الزوج بأنه يدخل بزوجته من جديد في عيد الزواج، وليستعيدا ذكريات الليلة الأولى أثناء فضه لـ"عذريتها".
وقال الشيخ حجازي ردا على سؤال من "العربية.نت": ما قرأته شخصيا في هذا الموضوع أن الزوجة تعيد غشاء البكارة ثم يعقد عليها زوجها من جديد، أي يذهبان إلى المأذون وكأنهما غير متزوجين، ويعقد لهما عقدا صوريا أشبه بما يحدث في السينما أو التليفزيون.

رأي شرعي: لا مشكلة
وواصل: هذا يعتبر عبثا بشرع الله، مثلما قلنا من قبل، إن عقد الزواج في المسلسلات والأفلام لا يصح شرعيا. وردتني أسئلة بهذا الخصوص فعلا، وهو أمر لا يصح شرعا اطلاقا، أما إذا كان الزوج يطلب من زوجته أن تعيد غشاء البكارة طبيا دون أن يترتب على ذلك العقد عليها من جديد أو حفل زفاف، فلا توجد فيه أي مشكلة شرعية طالما أنه ليس هناك ضرر طبي.
وتابع الشيخ حجازي: طبعا يعتبر هذا من قبيل السفه، واعتبره نوعا من أنواع المرض النفسي، لكن لا يمكننا أن نقول له لا تعد غشاء البكارة لزوجتك.

رأي طبي: تدليس
أما د.هبة قطب أستاذة الطب النفسي فقالت لـ"العربية.نت" وهي تعبر عن دهشتها: ليس هذا أسلوب صحيح في الطب الجنسي ولا في أي طب أو عرف أو تقاليد. كل شخص حر في تفكيره، ولكني اعتبره من وجهة نظري الشخصية نوعا من التدليس، فمن الممكن جدا اساءة استخدامه أو الغرض منه.
ولفتت إلى أن هذا يأتي في اطار السفه الموجود في العالم العربي، فبعض أفراد الطبقات الغنية لا يوجد عندهم مانع في انفاق المزيد من الأموال في مثل هذه التقاليع بغض النظر عن أي اعتبارات أخرى.
وأوضحت: لو كان هناك خير في اعادة غشاء البكارة، لقدر الله أن يحصل له نمو جديد كل عدة سنوات مثلا، ثم أنها مجرد متعة تخيلية، فإذا كان الزوجان يعرفان أن ما يقومان به تمثيل في تمثيل، فأين هي المتعة التي سيشعران بها.
وبخصوص زوجات أجرين هذه العمليات وأكدن احساسهن مع أزواجهن بنفس شعور وذكريات ليلة الزواج الأولى علقت د.هبة قطب: كل شخص أدرى بتجربته، ولكن بشكل عام هل تستمتع الممثلة التي تؤدي مشهد زواج في فيلم أو مسلسل، وهل يراودها احساس الزوجة الحقيقية مع زوجها الحقيقي؟.. وهذا ينطبق تماما على الزوجات اللاتي يعدن غشاء البكارة، فهو تمثيل مشترك بينها وبين الزوج، والمتعة التي يشعران بها لا أساس لها، فكل منهما كأنه يضحك على الآخر.
ولا تعتقد د.هبة أن أضرارا طبية يمكن أن تترتب على هذه العملية، لكنها تشير إلى أن هناك طرقا أخرى كثيرة جدا للاستمتاع الجنسي الطبيعي بين الزوجين غير هذه المسألة، بشرط أن يؤديان علاقتهما الحميمية كما يجب أن تكون في جو مفعم بالمودة.

جراحات لاستعادة ليلة "الدخلة"
وفي العدد الأخير من مجلة "الاذاعة والتليفزيون" التابعة لوزارة الاعلام المصرية، ويرأس تحريرها الزميل ياسر رزق عضو مجلس نقابة الصحفيين، تناولت الصحافية آيات الشربيني ظاهرة جديدة تتمثل في لجوء بعض زوجات الأغنياء لاجراء عمليات جراحية لاعادة غشاء البكارة حتى يستمتعن مع أزوجهن بليلة دخلة جديدة كسراً للعادة والملل.
قالت : لم أجد لنفسي مكانا بين بعض سيدات مجتمع الأثرياء ولم أجد لي مبررا للجلوس معهن داخل عيادة طبيب في وسط البلد، كنت أكتفي فقط بمتابعة تلك الوجوه التي تنتظر دورها في طابور العمليات، سمعت أحاديثهن الجانبية عن رغبتهن في مفاجأة أزواجهن بعذرية جديدة أثناء الاحتفال بأعياد الزواج.
احداهن قررت الذهاب إلى طبيب أمراض النساء والتوليد لإجراء هذه العملية التي عرفت تفاصيلها من صديقة لها، ووفاء جاءت إلى نفس العيادة بعدما شعرت بفرحة الغشاء الجديد التي غمرت الزوج في المرة السابقة.
هايدي جلست على المقعد المجاور لوفاء في نفس العيادة، عمرها 30 سنة ولم يمض على زواجها سوى ثلاث سنوات، لكن الاحتفال بعيد الزواج أصبح مملا و لم يعد مصدرا للسعادة رغم أنه يتكرر كل عام في بلد أجنبي خاصة بعدما سمع الزوج من أحد أصدقائه عن هذه العملية التي أجرتها زوجته فنصحها بإجرائها .
بالفعل قررت هايدي الذهاب إلى مستشفى تخصصي دلها عليها هذا الطبيب. سعادة الزوج كانت أكبر من التكاليف الباهظة للعملية، وهي هنا تقول "المتعة التي حصلنا عليها دفعتني إلى التفكير في تكرارها خاصة أنها أعادتنا إلى نفس تفاصيل الليلة الأولى حتى الألم نفسه، وكأن عملية فض الغشاء بالفعل تتم لأول مرة".

انا عايز اسأل : هو خلاص مفيش عندنا -عرب ومصريين- غير الجنس والبكارة والشهوة والبطن والفرج والرقص والعرى والمجون؟
خلاص حياتنا تحولت الى شهوات ثم شهوات ثم شهوات؟
لا حول ولا قوة الا بالله
ربنا يهدينا اجمعين

خبر من موقع العربية نت

اقرأ وتمتع بانجازات العرب

إحدى المشاركات رئيسة قسم الدراسات الإسلامية بالجامعة العبرية3 آلاف إسرائيلية يشاركن في مهرجان للرقص الشرقي على أنغام عربية

القدس المحتلة - ا ف ب
على الحان اغاني ام كلثوم وعبد الحليم وعمرو دياب وغيرها من اغنيات المطربين العرب تمايلت نحو ثلاثة الاف اسرائيلية في قاعات احد فنادق ايلات (جنوب) حيث انتشرت بسطات لبيع بدلات الرقص الشرقي واشرطة الاغاني والموسيقى الشرقية المنوعة. فقد شاركت في "مهرجان ايلات للرقص الشرقي" الذي استمر 3 ايام الاسبوع الماضي نحو ثلاثة الاف اسرائيلية ما بين محترفة للرقص ومتدربة الى جانب 130 راقصة اخرى من مختلف انحاء العالم.
وصدحت اصوات الموسيقى الشرقية في مختلف قاعات الفندق التي غصت بالراقصات اللواتي ارتدين ملابس الرقص الشرقي بالوانها الزاهية والمذهبة.
وقالت الراقصة الاسرائيلية المحترفة اوريت مفتصير (33 عاما) احدى مؤسسات المهرجان "هناك حب للموسيقى الشرقية في كل مكان وليس بالضرورة ان تكوني عربية حتى تكوني راقصة شرقية".
وتابعت ان "معظم اللواتي يمارسن الرقص الشرقي لا يعرفن اللغة العربية وهناك ايضا نساء متدينات ومتزمتات يعشقن الرقص والبعض منهن يتعلمن العربية لفهم اغاني الرقص".
وبحسب اوريت التي ارتدت زيا شبيها بما كانت ترتديه الفنانة المصرية الراحلة سامية جمال بل وصففت شعرها على طريقتها فان "هناك 3000 مشتركة, معظمهن اسرائيليات". وسميت القاعات باسماء الراقصات المصريات تحية كاريوكا, سامية جمال, بديعة مصابني ونعيمه عاكف, الى جانب قاعة بيروت وقاعة الهانم. واكدت اوريت "ان اطلاق اسماء هؤلاء الفنانات المصريات على القاعات هو تكريم لراقصات يعتبرن من اساطير الرقص الشرقي".
واوضحت ان "اطلاق اسم بيروت على احدى القاعات بالرغم من اننا كاسرائيليين كنا في حرب مع لبنان في الصيف الماضي جاء بسبب ما يتميز به الرقص اللبناني من جمال خاص وهو ما سنبرزه من خلال تلك القاعة". واضافت "رغم انني من اصول روسية, الا انني قمت بدراسة حياة معظم الراقصات المصريات القديمات, وبمناسبة مرور 30 عاما على وفاة عبد الحليم حافظ سننظم دراسة ومحاضرات عن فنه وغنائه".
ورغم ان المهرجان مخصص للرقص الشرقي فقد غابت عنه راقصات الدول العربية لتحتل مكانهن راقصات من دول مثل اليونان والولايات المتحدة وروسيا وفرنسا بل وحتى من اليابان وكوريا وكوستاريكا.
وقالت الراقصة الفرنسية "لونا" وهو اسمها الفني "انهيت دراستي الجامعية بالتخصص في الادب الفرنسي الحديث لكنني تفرغت لهواية الرقص الشرقي فذهبت الى مصر حيث تعلمت على يد الفنان الراحل ابراهيم عاكف عم الراقصة نعيمة عاكف قبل ان احترف الرقص منذ تسع سنوات".
وتابعت لونا التي تعمل في الاردن "بدات تعلم اللغة العربية حتى افهم كلمات الاغاني الراقصة واستطيع التفاعل معها" مؤكدة انها اختارت هذه المهنة لانها تحبها وليس لانها لاتعرف شيئا آخر.
واضافت لونا "الرقص الشرقي غزا العالم الذي ينظر له بصورة مختلفة عن تلك السائدة في العالم العربي, فهو فن راق لا علاقة له بالجنس" موضحه "ان الرقص الشرقي بدا يستخدم في علاج النساء اللواتي يتعرضن للاذى النفسي من قبل ازواجهن او للاغتصاب في فرنسا".
وكان من الصعب تمييز راقصات مثل اثينا من اليونان ولونا الفرنسية وبعض الاسرائيليات عن زميلاتهن الشرقيات المحترفات لكن اخريات كن يرقصن بدون احساس وتفاعل مع اللحن والكلمة رغم اتقانهن الحركات الفنية. وتقول رئيسة قسم الدراسات الاسلامية في الجامعة العبرية راحيل ميليشتاين (61عاما) التي تمتهن الرقص: "في السبعينات لم يكن لنا علاقات بدول عربية وذهبت لتعلم الرقص الشرقي في اميركا حيث تعلمت على يد مدرسين مصريين وآخر لبنانيا, كما درست في فرنسا على يد مدرسين من شمال افريقيا".
وتابعت راحيل "بدأت الرقص في سن صغير اما الشرقي فكان عمري 25 عاما عندما بدأت ممارسته مع انتهائي من شهادة الدكتوراه حيث كنت أرقص في كل مكان ممكن, في الحفلات والاعراس العربية واليهودية وفي النوادي الليلية, ولم اشعر بأي حرج في كوني راقصة ومحاضرة في الجامعة في الوقت نفسه".
واعتبرت ان "الرقص الشرقي فن رائع لانه يجمع بين التحرر والفرح لذلك حضرت نساء من كافة الاعمار من اطفال وصبايا ونساء للمشاركة فهو الذي يجمع كاميليا الكورية مع لونا الفرنسية".
وقالت راحيل "كانت هناك فكرة سلبية مسبقة عن الرقص الشرقي اما الآن فإن العالم ينظر اليه كفن وقيمة" موضحة "ان الحاخامات الاسرائيليين ينصحون النساء اللواتي يواجهن مشاكل زوجية بتعلم الرقص الشرقي" مؤكدة انه "يحرر الجسد والروح".
واكدت ان الرقص الشرقي "بدا يتغلغل في المجمع الاسرائيلي منذ نحو اربعة عقود". وشارك في المهرجان ايضا خمسة رجال احدهم عربي. وقال عازف عربي من المشاركين طالبا عدم الكشف عن اسمه "اخشى ما اخشاه ان يصبح الرقص الشرقي فولكلورا اسرائيليا مثل الحمص والفول والدبكة والتطريز".

تعليق:
الواحد مش عارف يقول اية....يعني احنا بنستورد منهم الأكل والشرب والالكترونيات والموبايلات والعربيات والطيارات واجهزة الانذار والحراسات وحتى كمان الثقافات والمعلومات
دي الحاجات اللى هم شاطرين فيها عشان كدة احنا بناخدها منهم
طيب واحنا شاطرين فى اية عشان ياخدوه مننا؟
لا حول ولا قوة الا بالله
ربنا يهدينا اجمعين ويردنا الى الحق رداً جميلاً

خلصت امتحانات
هيييييييييييييييييييييه
الواحد مش مصدق نفسه يا اخواننا انها اخيرا خلصت
الحمد لله انا كدة تقريبا خلصت السنة دي تماما واتخرجت كمان
لان الترم التاني سهل جدا ومفيهوش غير ترجمة ومادتين تحريرى والقران
يعني من دلوئتى الواحد مفيش وراه غير الترجمة وبس

اسيبكم على خير
وقريبا ان شاء الله بوست حلو نتكلم فيه شوية مع بعض ونفتح موضوع للنقاش
سلام

قصيدة لهاشم الرفاعي

أحد المدونين الظرفاء -زغلول- كتب تعليق على البوست اللى فات وارفق به بعض أبيات من قصيدة أمير الهعهع للعبقرى الراحل هاشم الرفاعي

حبيت اكتب لكم القصيدة هنا لانى انا كمان حافظها بس قولت اكتبها لكم كاملة
والقصيدة بالمناسبة كان سببها ان احد زملاء الشاعر السابقين - الشاعر ازهرى والزميل ازهرى برضة بس ايام ما كان الازهر ازهر - المهم احد الزملاء خرج من الثانوية-ودي كانت معجزة على ايامهم- والتحق بكلية فمنظره اتغير وبأة روش شويتين-زي ازهرية اليومين دول تلاقى الواحد منهم فى ثانوى يمسك الكتاب تحت شجرة الجميزة وما يسيبهوش غير عالغروب -وهو ده احسن حاجة فى الازهرية وهو الاخلاص فى طلب العلم وياريتنا كلنا نبقى كدة- لكن للاسف لما يدخل الجامعة فى القاهرة تلاقيه يحاول يتروشن ويعمل قصة شعر على جنب وشه ويلبس بنطلون جينز لميع ويبقى منظره ولا ال....اللى بيدور على رجالة
المهم عمنا هاشم الرفاعي لما شاف صاحبه اتغير قام كتب فيه القصيدة الحلوة دي
اقرأ وتمتع بأجمل زجل
.
.
.
زين الشباب الجامعي التابعي التابعي
الضاحك المرح الطروب العاطفي اللوذعي
الدون جوان الفذ من تهواه ذات البرقع
الغيد قد دلعنه أفديه من متدلع
قد كان يبدو الأزهرى لهن مثل البعبع
حتى أتى هذا فقوبل بالفؤاد المولع
يا صاح:يا ملك الفكاهة...يا امير الهعهع
أصبحت تجذب القلوب بمشية المتقمع
ويشار نحوك ان مررت على الحسان باصبع
أنسيت ما حوت المتون وما رواه الأصمعي
أنسيت يوم تخرقت عيناك من جخلنجع
الان تأنس بالفتاة ولا تقول افرنقعى
فاذا استطعت خداعهن فاننا لم نخدع
انى أرى أثر العمامة فى جبين المجدع
.
.
.
.
شوف يا أخى حتى هزارهم كان بالشعر
وعلى فكرة هاشم الرفاعي ده مش قديم اوى لكن ده من الشعراء المحدثين يعني كان ايام الثورة وعمل مظاهرات ضد عبد الناصر والاشتراكية وفضل هربان من بيتهم تقريبا سنة يعنى
المهم
انتم عاملين اية
نفسي اقولكم كلام كتير والله بس الامتحانات بأة
ادعولنا ربنا يفرجها علينا
سلام

امبارح كان عندي امتحان مادة نظم وحضارة

المادة دي بيدرسهالنا دكتور كدة تخطى - فى اعتقادي - الشعرة اللى بين العبقرية والجنون
يفضل يقولك كلام كتير اوى اوى عن الحوار بين الحضارات والتواصل بين الحضارات وفشل نظرية هنتنجتون وفوكو ياما فى الصراع بين الحضارات او
clash between civilizations
و نهاية العالم والكلام ده
لكن انا باعتبارى طالب عايز اسأل هل الكلام ده هستفيد بيه فى سوق العمل؟
طيب بلاش
هل المادة العلمية اللى الدكتور بيقولها لنا - ده اذا كان فيه مادة علمية اساسا ده يا حسرة كل الكلام من عندنا وباعترافه هو نفسه ان الامتحان هييجي زي كل سنة وبكلام كل سنة لان المنهج هو منهج كل سنة وهو -لا منهج - هل المادة العلمية اللى بنتعامل معاها دي هى المادة العلمية اللى المفروض ندرسها فى الكلية تحت مسمى نظم وحضارة؟
بس تقول لمين وتشرح لمين؟
ياللا مش مهم
المهم الحمد لله امبارح الامتحان جه ظريف
يعني السؤال الاول عملت فيه تأليفة عبقرية كدة
والسؤال الثاني تركته تماما ما حطيتش فيه قلم
والسؤال الثالث كان 4 نقاط جاوبت فيهم بأمانة وضمير عن واحدة بس وعملت تأليف فى اتنين وتركت واحدة
والحاجة اللى ما جاوبتهاش دي انا سبتها على اساس انى مش هحترم نفسي لما أألف أو أكتب كلام فى حاجة معرفش عنها اى حاجة اصلا
واحد بيقولك اية هى ال
benchmarks of cross-cultural communication
هألف له اية واكتب له اية
خلاص يعني مادام حاجة مش عارفها هاقول اى كلام وخلاص؟
الغريب انى بعد ما خرجت من الامتحان لقيت الدفعة كلها كاتبة اى كلام فى اى كلام واى رغى وخلاص
ولما اسال واحد يقوللى يعني انت فاكر الدكتور هيقرا الكلام ده اساسا؟
يا عم ده وراه مؤتمرات وترجمات وافلام وحوارات وسفريات
يعني من الاخر هيشوف ورقتك مكتوب فيها كام ورقة
وكل ما تكتب اكتر -لو حتى تكتب له قصيدة لنزار- هتاخد درجات اكتر
وناس كان كل كلامها تأليف فى تأليف
وواحد فضل ثابت على جملتين اتنين يعيدهم فى كل السطور
effective listening helps cross-cultural communication
و
cross-cultural communication depends on effective listening

والله مش بهزر هى دي الحقيقة المرة وهو بيقول لى انه كرر الكلام ده اكتر من 30 مرة فى السؤال وكان بيعمل الاستراتيجية دي كل سنة مع نفس الدكتور ومع ذلك كل سنة كان بيجيب امتياز او جيد جدا
والسنة اللى فاتت -الوحيدة اللى معملش فيها تأليف وقال الكلام اللى يعرفه و بس - الدكتور اداله مقبول
.
هى دي كليتنا
هى دي جامعة الازهر
صدق او لا تصدق
أجب أو لا تجب
المهم هو الطبل والزمر واللذان أصبحا سمة مميزة للمجتمع ككل وللجامعة -كمؤسسة أحتك بها خلال تعاملاتي اليوم
حسبنا الله ونعم الوكيل

النظافة حلوة

لسة مخلص غسيل المواعين ومسح المطبخ والحمام وكنس الشقة كمان

أصلى نسيت احكي لكم

انا عايش لوحدي من ساعة ما والدتي الله يرحمها ماتت واحنا -انا ووالدي- عايشين فى بيت العيلة وواخدين اخر دور وهو عايش فى شقة وانا عايش فى شقة

والسنة اللى فاتت جوزناه ست قده كده اهو برضة يونسوا بعض وياخدوا بالهم من بعض ويسندوا بعض برضة.

أما انا عايش هنا لوحدي ومقضيها مع نفسي عشان كدة تلاقوني سايكو شوية

المهم ان اخواتي الكبار-اصل انا اصغر اخواتي وكلهم متجوزين عقبالى ان شاء الله-اخواتي بييجوا ينظفوا الشقة كل فترة كدة لكن الفترة الاخيرة انشغلوا شوية برضة عندهم اولادهم واشغالهم فالشقة بقالها حوالي شهرين ما دخلتهاش مقشة ولا ممسحة والصحون فى الحوض من حوالي شهرين برضة وانا طبعا مكسل اغسلهم ومقضيها اكل جاهز

انما من ساعتين كدة نقح عليا عرق النظافة-اصل عندي امتحان أدب انجليزي وكينج لير وحاجات كدة يوم الثلات وانت عارف ان الواحد ساعة المذاكرة بيهرب بأى حاجة-المهم بقول نقح عليا عرق النظافة قمت نزلت جبت بريل بقوة الصابون اللى بيقضى على أصعب الدهون وكمان جبت شوية كلور -والحمد لله اني ساكن فى العباسية اللى هى اجمل حتة فى مصر من وجهة نظرى...الساعة 2 بالليل وتلاقى كل المحلات فاتحة وتجيب اى حاجة وعيش بلدي سخن كمان- المهم جبت صابون وكلور ومية نار عشان غسيل البلاط وجبت جبنة بيضا وجبنة رومي ومش ولانشون وطماطم وليمون ومربى فيتراك وعيش سخن وعصير كمان.

المهم طلعت وقفت لبست مريلة الحوض واديها دعك يا فوزية لغاية ما خلصت كل الصحون تماما وشطفتهم ولا أجدعها ربة منزل وحطيتهم فى الرفوف بتاعتهم وبعدين كنست الشقة تمام ونفضت السجادة بعدها وحطيت الغسيل الوسخ فى الاوتوماتيك ودخلت خدت الدش الجميل والمية السخنة يا حمو وبعدين طلعت لبست احلى تريننج فى الدولاب وولعت عود البخور الصح واكلت وشربت العصير وقعدت عالكمبيوتر

قلت اكتب لكم خاطرة جت فى بالى كدة

بجد بجدبجد

النظافة حلوة

والحركة بركة

وطول مانت قاعد خامل كسول هتفضل نفسك مسدودة تماما عن الحياة لكن لما تتحرك وتتعامل هتلاقى نفسك بتتفتح وريحة الشقة بتتغير وبتتهوى وبتبقى حاجة زي الفل

فيديوهاية جامدة مووووووووووووت


اضغط هنا

بحلم لو عاد الاسلام

أحد أشهر أناشيد الاخوان المسلمين

للاستماع

بحلم لو عاد الاسلام يحكم من تاني

و يخلى صحارى الأوطان خضرة وأمانى

بحلم لو عاد الاسلام يحكم من تانى

ويخلى صحارى الأوطان خضرة وأمانى

بحلم لو نسمة ايمان هزت اركاني

ييجي الفجر ويطوى الليل حسنه الرباني

ييجي الفجر ويطوى الليل حسنه الرباني

بحلم لو عاد الاسلام يحكم من تاني
و يخلى صحارى الأوطان خضرة وأمانى

بحلم لو عاد الاسلام يحكم من تانى
ويخلى صحارى الأوطان خضرة وأمانى

بحلم لو نسمة ايمان هزت اركاني
ييجي الفجر ويطوى الليل حسنه الرباني
ييجي الفجر ويطوى الليل حسنه الرباني

بحلم ان العدل يسود

عدل عمر وجنوده أسود

تحمي الحق وعنه تذود لا تخاف الجانى

تحمي الحق وعنه تذود لا تخاف الجانى

بحلم لو عاد الاسلام يحكم من تانى

ويخلى صحارى الأوطان خضرة وأمانى

حلمنا لو اتجمعنا صفوف

كفى فى كفك نبقى ألوف

ونموت جوانا الخوف ونعود من تانى

ونموت جوانا الخوف ونعود من تانى

بحلم ان جيوشنا كتير

وسيف الدين عاد للتحرير

والأقصى ينادي يا أمير..طهر أركاني

والأقصى ينادي يا أمير..طهر أركاني

الحلم اللى القلب ناداه

شعب بيهتف باسم الله

ويخلى ايمانه وهداه...نهج القرانٍ

ويخلى ايمانه وهداه...نهج القرانٍ

بحلم لو عاد الاسلام يحكم من تانى

بحلم

ويخلى صحارى الأوطان خضرة وامانى

بحلم

بحلم لو نسمة ايمان..هزت اركانى

بحلم

ييجى الفجر ويطوى الليل حسنه الرباني

بجد النشيد حلو وكل حاجة ولكن السؤال : هل اعادة حكم الاسلام هدف فى حد ذاته؟

هل التمكين فى الأرض يعد غاية فى حد ذاته نسعى نحوه ونتجمع عشانه؟

هل الاسلام غرضه الرئيسى الوصول لسدة الحكم أم مجرد تعبيد الخلق فى الأرض لخالق السماوات والأرض؟

كلنا بنحلم بكل ماهو موجود فى النشيد

وانا هنا مش بنتقد نشيد

وطبعا مقدرش انتقد علماء عندهم 80 سنة و 60 سنة وناس كبيرة وليها علم وباع طويل فى الدعوة وانا لسة عيل صغير ما كملتش 23 سنة

لكن يبقى السؤال

فهل من مجيب؟

مفيش كل سنة وانت طيب فى اى بلوج لية؟

يا اخواننا انا عمال الف على مدونات البلد كلها يمكن الاقى بلوجر ولو واحد كاتب كل سنة وانتم طيبين مالقيتش الا ابن بهية وبس وكاتب كل سنة وانتم طيبين تفوح برائحة المرارة المختلطة بمرق الدجاج
احنا مالنا يا اخواننا؟
مالنا مش مجرد بلوجرز.....لكن احنا مالنا كلنا كشعب؟
فيه حاجة غلط بتنتشر وتتوغل فى تركيبنا كمصريين
الحزن أصبح علامة مميزة وعلى وش كل الناس
كل الناس ماشية فى الشارع مبوزة ومكلضمة حتى الكابلز اللى بيبقى الواحد منهم مأنجش صاحبته وماشيين بتلاقى برضة وشوشهم كئيبة وكل واحد باصص الناحية التانية او بيتنازعوا فى حاجة او متخاصمين وكل واحد عاقد ايده على صدره

هل ده احساس داخلى عندي وعشان كدة شايف الدنيا بنظارة كآبة وقرف؟
واللا هو فعلا الوضع كدة؟
وهل اللى هيردوا عليا هنا ويكونوا متفقين مع رأيى هم برضة عندهم كآبة وحزن واللا هل دي حالة عامة؟

اللهم املأ بالقرآن والنور والفرح قلوبنا
اللهم أرشدنا الى الطريق القويم والسلوك السليم والفرح العظيم بلقاك يارب العالمين

اللهم آمين