عندي امتحان

عندي امتحان ترجمة فورية وتتبعية بعد ساعتين و أربعين دقيقة

اسألكم الدعاء

و باذن الله أول ما اخلص الامتحانات فيه حوار مطول مع أحد المدونين حول الحريات والعقيدة فى مصر

الأخ المذكور ليبرالى جدا جدا وكان رد عليا فى مدونة محمود سعيد على بوست بعنوان حدث فى بمها وكانت تعليقات الاخ الليبرالى زي ما ممكن تشوفوا فى التعليقات اللى بصراحة كانت قوية جدا ولكن ينقصها الكثير....ان شاء الله نعمل الحوار وننقله من مدونة محمود ل عندي هنا ويارب كلنا نعرف الحقيقة فين

والسلام

مبروك للعروسين

آخر الأخبار

الزواج فى العراق حاليا بيحتفلوا بيه بقتل الجنود الامريكان....والعرايس مهرهن اطلاق صواريخ على القواعد الأمريكية ...ومؤخر الصداق اما حفظ القرآن الكريم أو مرافقة الزوج الشهيد فى الجنة


أينعم اختلف مع العروسين فى الطريقة التى ينتسبان اليها....لكن أفرح بالطحن اللى بيحصل فى الأمريكان طبعا

اسيبكم مع الفيديو





طبعا فيه تعليقات ساخرة كتيرة على الفيديو

يعني بصراحة -وربنا يسامحني فى ظنونى- افتكرت كلمة مدونة مصرية ...برايد اكيد تعرفوها....كاتبة عندها....اللى يحبنا ميضربش نار عندنا.....افتكرت ان برايد ممكن تخاف من صوت فرقعة صاروخ لعبة بتاع العيد...ما بالك العروسة دي بتولع صاروخ حقيقي بحق وحقيقي بايديها وبتضربه على قاعدة امريكية والصاروخ ده هينزل ينفجر فى أمريكيين ويقتلهم

حاجة كمان......الافراح اللى عندنا بيضربوا نار فى الهواء....طلقات رصاص ممكن فشنك وفى الصعيد ممكن حية.......انما دول هيضربوا اية فى الهواء؟ صواريخ بازوكا؟

فيه كلام كتير ممكن يتسبب فيه الفيلم ده.....ارجو ان الفيلم يعجبكم وادعوا ربنا يهدينا ويرزقنا الزوجة الصالحة

امين

رحلة صيد

شوفوا اصحابي بيعملوا اية

الناس لسة راجعين من رحلة للكونيسة ....دي بعد طور سيناء وقبل شرم الشيخ....بس أشد منطقة صيد سمك فى سيناء....حلوة اوى ما شاء الله





Enjoy

دماغ شعر

وَقَدْ عَلِمَ الْقَبَائِلُ مِنْ مَعَدِّ

إِذَا قُبَبٌ بِأَبْطَحِهَا بُنِينا


بِأَنّا الُمطْعِمُونَ إِذَا قَدَرْنَا

وَأَنَّا الُمهْلِكُونَ إِذَا ابْتُلِينا


وَأَنَّا الَمانِعُونَ لِما أَرَدْنا

وَأَنَّا الْنَّازِلُونَ بِحَيْثُ شِينا


وَأَنّا التَّارِكُونَ إِذَا سَخِطْنَا

وَأَنّا الآخِذُونَ إِذَا رَضِينا


وَأَنّا الْعَاصِمُونَ إِذَا أُطِعْنْا

وَأَنّا الْعازِمُونَ إِذَا عُصِينا


وَنَشْرَبُ إِنْ وَرَدْنَا الَماءَ صَفْواً

وَيَشْرَبُ غَيْرُنَا كَدِراً وَطِينا


إِذَا مَا الَملْكُ سَامَ الْنَّاسَ خَسْفاً

أبَيْنا أَنْ نُقِرَّ الذُّلَّ فِينا


مَلاَنا الْبَرَّ حَتَّى ضَاقَ عَنَّا

وَمَاءَ الْبَحْرِ نَمَلؤُهُ سَفِينا


إِذا بَلَغَ الْفِطَامَ لَنا رضيع

تَخِرُّ لَهُ الْجَبابِرُ ساجِدِينا



عمرو بن كلثوم

الاخوة فى العراق....وغباء الأمريكان

الفيديو ده لما شفته.....قمت اتنطط واضحك وعيني مدمعة من الفرحة او من الذهول او من الضحك...مش عارف بصراحة....وقلت لازم كل الناس تشوف الفيديو ده

بالله عليكم

حاولوا توروا الفيديو ده لأكبر عدد ممكن من أصدقائكم وأحبائكم......ده أكبر رد على المشككين فى توفيق الله ونصره للمسلمين

ولله الأمر من قبل ومن بعد....وهو على كل شىء قدير

والحمد لله رب العالمين

ولله الحمد والمنة

الحقيقة

ألا كل شيء ما خلا الله باطل *** وكل نعيم لا محالة زائل

وكل أناس سوف تدخل بينهم *** دويهية تصفر منها الأنامل

وكل امرئ يوما سيعلم سعيه *** إذا كشفت عند الإله المحاصل


لبيد بن ربيعة العامري

ديمو ديمو ديمقراطية

ديمو ديمو ديمقراطية... اللعبة تصميمها كده و
«game over»
يا حلوين




قد يظن من يقرأ العنوان للوهلة الأولي إني بدلع الديمقراطية علي طريقة محمود عبدالعزيز في فيلم «الكيف» بس بدل الكيمي كيمي كو تبقي الديمو ديمو ديمقراطية، ولكن هذا غير صحيح لأني لسه متسلطنش للدرجة دي، وقد يتساءل شخص آخر هما جايبينلنا واحد بيتهته حتي في الكتابة، أقوله لا برضه لأني والحمد لله نطقي سليم! فاضل احتمال واحد أني أكون بقص (الكلا) الكلام يعني زي المرحوم محمد رضا، فتكون الديمقراطية ديمو، أقوله برضه لا، كلامك مش (مظبو) مظبوط يعني، علشان أنا مش (مهبو) مهبول يعني، وربنا يكفينا جميعا شر (الأمرا) الأمراض يعني.
أمال إيه حكاية الديمو دي؟
الحكاية ببساطة شديدة أنني كنت بلعب
«game»
علي الكمبيوتر.. كنت ماشي في اللعبة آخر حلاوة وعمال اتنقل من مرحلة لمرحلة ـ طبعا في المراحل الأولي السهلة ـ وأول ما اللعبة بدأت تخش في الجد ـ يعني مرحلة مهمة ـ لقيت المرحله دي مبتشتغلش! الله؟ في إيه يا إخوانا؟ دا اللعبة كانت هتبتدي تحلو، وبما أنني بعافية حبتين في كل ما يتعلق بالكمبيوتر، اتصلت بصديق وحكيتله الحكاية،
وببساطة شديدة قال لي اللعبة اللي عندك دي
«demo»
يعني إيه يا عم الحج؟ (ديمو) دي، رد علي في برود يعني مش كاملة، ناقصة، الجزء اللي عندك ده تحنيس مش أكتر، ااااااااااااه دلوقتي فهمت واخسارتاه اللعبة كانت حلوه وزي الفل ولو كانت كملت كانت هتبقي أحلي، لكن إشمعني اللعبة دي اللي هتكمل، ما احنا عندنا حاجات كتير قوي (ديمو)، نظام تعليم (ديمو)،
نظام صحي (ديمو)، نظام اجتماعي (ديمو)، نظام سياسي (ديمو) والحياة كلها (ديمو فى ديمو) فعلي سبيل المثال في السياسة ندعي أننا لدينا ديمقراطية، ولكنها في حقيقة الأمر (ديمو ديمقراطية)، زي اللعبة بالضبط المراحل الأولي السهلة اللي ممكن أي حد يعملها، حرية التعبير دون التغيير، كل اللي نفسه في حاجه يقولها لكن لا أحد يسمع أو يستجيب، الأحزاب موجودة، ولكنها غائبة، ليس لديها رؤية، ليس لديها برنامج واضح، ليس لديها هدف، لا تعبر عن الناس ولا الناس تدري شيئا عنها،
الانتخابات موجودة دائما ومزورة دائما أيضا، كل حاجة (ديمو) موجودة، ولكن ليست كاملة، وأصحاب اللعبة بيلعبوها صح، شوية مراحل سهلة وعبيطة في الأول، علشان الكل يقول إحنا عندنا ديمقراطية، ولكن أول ما اللعبة تدخل في الجد تقف، تجيلها يمين تجيلها شمال عمرها ما بتكمل ولا حتكمل، لأن أصحاب اللعبة مش عايزينها تكمل، لازم تقف عند مرحلة معينة وإلا اللعبة ممكن تقلب جد وساعتها هما أول ناس هيروحوا في الرجلين.



المقال نقلا عن المصرى اليوم

الكاتب\مهندس\أحمد عبد الغني

فيه موضوع كبير جدا عايز اتكلم فيه....موضوع هام جدا وهو تقريبا اللى عملت المدونة دي عشانه

انا مع مين

وكل واحد يفكر فى السؤال ده كويس اوى



انا مع مين؟

مع الاسلام واللا مع الدنيا واللا مع فرقة لا دنيا ولا اخرة

مع مين بالظبط؟


ولو مع الاسلام


أى الاسلام أتبع؟ ولأى الفرق انضم؟ ومع أى الجماعات أصلى؟

اسمحوا لى ان أتحدث بالعربية فالموضوع لا يسعنا فيه التحدث بالعامية المصرية...لا أستطيع الان التحدث فى شأن الدين بالعامية




قلت قبل اليوم أن الشاب فى العالم الضال يبدأ حياته باختيار منهج ودين يتبعه...حتى اذا وجده عض عليه بالنواجذ وأنفق فى سبيله كل رخيص وغال

ونحن لدينا النور التام والضياء الكامل والهداية البالغة

ونتبع الدنيا

نعود لمقالنا هذا

فى البداية لم اكن اعرف اى جماعة من الجماعات...وكنت اعتقد ان كل هؤلاء الارهابيين الذين يلبسون الجلباب الابيض ويطلقون لحاهم...كل هؤلاء الارهابيين ليسوا من الاسلام فى شىء

ودعم هذا الفكر بعقلى أفلام عادل امام مثل الارهابي والارهاب والكباب والافلام المشابهة حيث يتم تصوير اى شخص يرتدي جلبابا ابيضا ويطلق لحيته على انه قذر حقير ينظر للنساء ويرتكب الفواحش اذا خلى بها وقد يشرب الخمر وقد وقد

ثم بدات حياتي الجامعية بالتعرف على شباب مسلمين محترمين

ثم جاء وقت اردت فيه ان اكون مسلما بحق

فبدأت بالصلاة والالتزام بأوامر الدين والابتعاد عن نواهيه

ثم بدأت اسمع كلاما وأرى مشاهدا....من خلالها بدأت التعرف على الجماعات الموجودة على الساحة

الاخوان

الجماعة الاسلامية

جماعات الجهاد

الصوفية

السلفية

الشيعة او الروافض


وفى البداية سألت: ايهم يقود الى الجنة؟ أيهم الصحيح؟

ومن الله عليَ بنعمة جزيلة...كما قال أحد السلف: إن من نعمة الله على الشاب اذا نسك أن تتلقفه يد شيخ من علماء أهل السنة والجماعة

وكانت نعمة الله علي أن وفقنى لمعرفة أصدقاء الجامعة الذين عرضوا علي الأدلة الموثقة والأحاديث الصحيحة التى تقضى بوجوب اتباع منهاج النبي محمد صلى الله عليه وسلم كما اتبعه من قبلنا

وبدأت بالتعرف على الجماعات

الاخوان....اجتماعيون نشطون ايجابيون غير متقوقعين ولا منعزلين...ولكن

ولكن يضيعون -فى نظر الفريق الاول- من الدين الكثير

ويرد الاخوان بقولهم...بل أنتم المتخلفون المهتمون بمظاهر خارجية لا تغير من الداخل شيئا

ويدور الجدال ويحتدم


ولله الحمد والمنة أن ثبت العقيدة بقلبي أن الفريق المحافظ على الأصول هو الصحيح

لا انكر انى اهمل الكثير من المنهج الذي اعتقد بصحته.....ولكن من رأى الطريق يوشك أن يسير فيه


ومنذ عام ونصف.....تعرفت شيخا عالما فقيها محدثا.....أحببته منذ رأيته و أيقنت أنه الخلاص....وقلت بنفسي أموت على ما عليه هذا الرجل......أيقنت أنه على المنهج الصحيح ويعمل بصدق وأحسست عندما رأيته أنى أرى عمرا أو أبا بكر


وقال شيخي ان كل الجماعات على خطأ...والعمل الجماعى التنظيمي حرام فى دين الاسلام.....و أفتى بخطأ الاخوان والجماعة الاسلامية والجهاد وغيرهم


ووافقته على ما قاله فى الاخوان المسلمين...ووجدت كل كلامه مقنعا مائة بالمائة


ولكني ظللت على اعجابي بالجماعة الاسلامية

فهي أيضا على منهج السلف....الا أنها خرجت عن المنهج فى شىء واحد....العنف فى التسعينات...وكان ردا على ما فعله بهم النظام أو هكذا أعلم


و منذ أربعة اشهر....عكفت على كتاب اشتريته من بائع الكتب....بعنوان.....الاسلام السياسى فى مصر....اصدار مكتبة الاسرة...أى انه كتاب حكومى لا علاقة لمؤلفته بالاسلاميين وانما تورد رأيا محايدا ان لم يكن ظالما لهم


وقرأت الكتاب وزاد الاعجاب أكثر وأكثر

هؤلاء على المنهج ولا شك...أحس هذا بقلبي واراه بعيني بين السطور

ثم شاءت لى الأقدار أن اقرأ مذكرات أحد قادة الحركة الاسلامية فى السبعينات والذي شارك د.عصام العريان و د. عبد المنعم ابو الفتوح و الشيخ د.كرم زهدي و د.ناجح ابراهيم و العديد من قيادات العمل الاسلامي فى هذه المرحلة-شاركهم مرحلة عصيبة وحكي عن أغلب ما مر به برفقتهم


و ترددت بشأن المنهج

و مؤخرا قرأت عن اطلاق جميع اعضاء الجماعة الاسلامية بالسجون والمحتجز بعضهم منذ 10 أعوام والبعض الاخر منذ 15 عاما والبعض منذ 26 عاما أى قبل اغتيال السادات


ثم شاء الله تعالى أن أعثر على موقع الجماعة الاسلامية على الانترنت وهم الان فريق مسالم تماما و قاموا بمبادرة لنبذ العنف والتحول الى الحياة السلمية العادية...وهم افراد عاديون جدا لا يختلفون عنا بشىء الا بقلب ابيض منير بحب النبي محمد صلى الله عليه وسلم


نسيت ان أذكر

ان الجماعة الاسلامية هم من قاموا يوم 8 اكتوبر 1981 باقتحام مقر مديرية أمن أسيوط وقتل اغلب من بها والاستيلاء على المبني الذي دارت معارك حامية بعده بين أفراد الجماعة وبين قوات الامن لاسترداده

وهم من انشق عن تكوينهم جماعة الجهاد والتى اغتالت الكثير من ضباط الشرطة والكثير والكثير من ابناء مصر العاديين تحت مسمى محاربة المرتدين كما نرى بالجزائر حاليا


أتذكر الان قول شيخي.....وبعد مضى ربع قرن من الزمان...يخرجون علينا ليقولوا اسفون كنا خاطئين....ومن يتحمل وزر الدماء التى أسيلت....والأطفال الذين يتموا؟ من؟


ولكن القوم الان عادوا ليقولوا ننبذ العنف

أطلت عليكم....أعرف

ولكنى فى حيرة من أمرى

وأسأل الله تعالى أن يهديني سواء السبيل



نسيت أن أخبركم



شيخي هو

الشيخ محمد سعيد رسلان


و هذا موقع الجماعة الاسلامية على الانترنت


و أسأل الله أن يهديني الصراط المستقيم


اه...فى اخر الأمر....أرجو ممن يقرأ هذا المقال ألا يصاب بحالة التشوش التى أعانيها....ويعلم الله انى فكرت كثيرا قبل أن أكتب هذا الكلام....اخاف ان يقرأه أحدهم فيتجه للبحث عن الالحاد والكفر....و أحمل أنا ذنبه يوم القيامة لاني فتحت أعينا كانت مغلقة عن مثل هذا الفكر الضال....وأعلم ان ما اقوم به ضلال بالأساس لتقليدي الفكر الغربي من أول الأمر وأساسه القديم....ولكني الان متعب وارغب بالحل.....فادعوا الله لى ان يهديني وأن يرشدني الى سواء السبيل

والله المستعان

خبر من المصرى اليوم

خبر من المصرى اليوم

شوفوا الحكومة بتعمل اية لمجرد ان تطلع الاهرام تانى يوم تقول: ترحيب شعبي حافل بزيارة السيد المسئول الوزير

اللى غالبا بيكون راكب سيارة مرسيدس سوداء كبيرة مكيفة وعليها ستاير سوداء ومش بيشوف حاجة على الطريق اصلا

اقرأوا الخبر



الموت علي شرف «يسري الجمل»




كتب محمد حمدي ومحمد السمكوري //٢٠٠٧





لم تعرف أميرة «١١ عاما»، ما إذا كان الدكتور يسري الجمل وزير التربية والتعليم، يستحق التشريف أو الترحيب أم لا يستحق، لم تقع الفتاة الصغيرة في غرامه، حتي تخرج مهللة مرحبة بزيارته «التاريخية» لمحافظة قنا، ومدرستها المتواضعة في قرية كلاحين بمركز قفط، لم تعرف ما إذا كانت زيارة هذا الوزير مهمة أم عادية، ستؤثر في مسيرة التعليم وتنهض به أم ستمر بلا جديد مثل غيرها؟!

كل ما عرفته الفتاة الصغيرة، أنهم ساقوها مع زميلاتها في مدرسة «نجع معين» الابتدائية للوقوف في طوابير الترحيب والتشريف بـ«صاحب المعالي»، مثلما يساق عساكر الأمن المركزي، والمخبرون للعب دور المهللين لأي مسؤول.

وقفت أميرة في طابور التشريفة، لا حائل بينها وبين شمس الصعيد الحارقة، طالت وقفتها، وتصببت عرقا من كل مسام جسدها الصغير، وبينما مسؤولو التربية والتعليم مسرورون من نجاحهم في «تظبيط» الوزير، والأخير بدوره سعيد بزفة «النفاق» التي استقبلته، والابتسامات المصطنعة والكلمات المأثورة التي ترفعه إلي درجات الفاتحين والمصلحين، كانت أميرة تسقط مغشيا عليها، بعد أن أجهزت عليها «ضربة شمس»، وسلمت روحها البريئة الطاهرة إلي السماء.

خرجت أميرة صباح الاثنين ٧ مايو الجاري، والابتسامة تعلو وجهها كعادتها، وعادت في آخر النهار جثة هامدة، فارقت حضن أمها في الصباح علي أمل أن تعود إليه بعد نهاية اليوم الدراسي، لكن الأم المكلومة تقول: «فارقت ابنتي حضني إلي الأبد.. قتلها يسري الجمل ورجاله.. قتلوها».

الأب المجروح محمد عطا أحمد «٤١ سنة»، ينفي أن تكون ابنته عانت في أي وقت من مرض، ويقول: كانت البكرية علي ٣ أشقاء، لكنهم أوقفوها لساعات طويلة في الشمس الحارقة.. حتي ضاعت أميرة.

عمها ناصر عطا يروي تفاصيل المأساة: سقطت أميرة أثناء وقوفها في تشريفة الوزير علي الشارع المواجه للمدرسة، حملتها وأسرعت إلي الوحدة الصحية، وفشلنا طوال ٤ ساعات في إفاقتها، أسرعنا بها إلي مستشفي قفط المركزي، فوجئنا بعدم وجود طبيب مختص، وفي طريقنا إلي مستشفي حميات قنا كانت روحها قد صعدت إلي السماء.

أنهي يسري الجمل زيارته إلي قنا، وعاد إلي مكتبه في القاهرة، بينما كانت أسرة أميرة تصارع أحزانها، خصوصا حين جاءهم رد الفعل الرسمي الوحيد من إدارة المدرسة، خطاب يقول: «رجاء إفادتنا بشهادة وفاة الطالبة أميرة محمد عطا أحمد حتي يتسني لنا رفع اسمها من سجلات القيد بالمدرسة».



انتهى الخبر

ولا حول ولا قوة الا بالله العلى العظيم

يا كل الناس...ياللى قريتو الكلام ده

ده ممكن يحصل معاك انت نفسك...مع بنتك او ابنك...او اخوك او اختك....ده ممكن يحصل مع والدك او والدتك لما يكونوا فى سيارة اسعاف بتنقلهم لمستشفى عشان تنقذ حياتهم....وتتزنق الاسعاف فى اشارة مرور 4 ساعات عشان الوزير معدي

لازم تعملوا حاجة ...ولو الدعاء للناس دي....عشان ميجيش يوم يحصل فيه معانا اللى بيحصل للناس دي

احنا اتحولنا لعبيد...بل لاقل من عبيد....وحسبنا الله ونعم الوكيل

الامتحانات قربت أوى

باقى أسبوع واحد على الامتحان

أسبوع وتبدأ رحلة النهاية....نهاية أحلى أيام بالجامعة

بس بصراحة مش ده اللى شاغلنى دلوئتى

احم احم

بعد أسبوع هامتحن فى 5 أجزاء قران من آخر سورة التوبة لآخر سورة الكهف


الحمد لله أنا حافظ من ال 5 أجزاء الشىء الكثير....يعني مش الكثير أوى....بس بدعي ربنا يوفقنى انى أحفظ القرآن كله ومش عشان الامتحان....عشان نفسي


أنا فى 6 ابتدائى كنت حافظ المصحف كله والحمد لله

بس لما دخلت اعدادي وثانوي بطلت أراجع وكنت بلعب ومش بفتح المصحف الا ايام الامتحانات بس

وفى الجامعة كان عندي كل سنة 5 أجزاء قرآن حفظ

فى الأقسام الاسلامية-زي قسم الدراسات الاسلامية باللغة الانجليزية او الفرنسية او الالمانية او الصينية- بياخدوا 7 أجزاء ونصف كل عام والمنهج تراكمي....يعني فى اخر سنة يمتحنوهم فى القران كامل

انا دلوئتى -مع انى واقع شوية فى الحفظ- انما بندم انى ما دخلتش كلية شرعية....كان زمانى حفظت القران كله ولو بالاجبار...اصل انا عارف نفسي ...زي المسمار مش بمشى الا بالضرب على دماغي
(:

ربنا يوفقنى و يعطيني قوة الارادة

انا بحب القران اوى اوى


بصدق وبجد.....اللى جرب صحبة القران مينساهوش

واللى ذاق حلاوة القران....لا يمكن يحس بطعم للحياة من غيره

ربنا يعيدنا للقران ويردنا اليه ردا جميلا

قل آمين

وبالنسبة للمنهج...انا السنة دي عندي اخر التوبة و يونس وهود و يوسف والرعد وابراهيم والحجر والنحل والاسراء والكهف


حفظت منهم والحمد لله...هود و يوسف وابراهيم والحجر والاسراء والكهف

الموقف مفرح شوية

لولا ان كلا من النحل و يونس حوالى جزء-6 أرباع تقريبا-وطبعا ده معناه انى مش حافظ تقريبا نصف المنهج


هو انا حافظهم كدة يعني....يعني لو قلت لى اول اية معينة اكملها واقول ايتين بعدها مثلا....لكن مش الحفظ اللى أقرأه فى صلاة واكون واثق انى مش هتلخبط

بجد أسألكم الدعاء....ادعوا لى بالهداية والتوفيق والرشاد...ادعوا لى برضا الله....ادعوا ان ربنا يرضى عنى ويحبني ويحببني فى القرآ ن اكتر واكتر ويخليني منامش ولا اصحى ولا اكل ولا اشرب ولا اعيش الا بالقرآن

قولوا امين

ترجمة

النهاردة عايز أوريكم حاجة جميلة جدا

جزء من تمرينات الترجمة اللى بنعملها

ده مقال من جريدة المصرى اليوم...اخترته وترجمته

هانشر المقال العربي وبعدين ترجمتي الانجليزية فى الاخر

وبعدين هاشرح النقط الفنية فى الترجمة

ENJOY!!









الإفراج عن ٣٠٠ من أعضاء التكفير والهجرة بعد توقيع «الضمانة» لنبذ العنف

كتب أحمد الخطيب ٥/٥/٢٠٠٧


أفرجت أجهزة الأمن عن نحو ٣٠٠ من أعضاء جماعة التكفير والهجرة، بعد إبرام اتفاق بين الجماعة والأجهزة الأمنية، يقضي بوقف الجماعة للعنف وعدم التكفير وكتابة ما سمي «الضمانة»، كوثيقة تعد بمثابة مراجعات فكرية وفقهية.
وقالت مصادر إسلامية لـ«المصري اليوم»: إن عدد أعضاء جماعة التكفير والهجرة، يقدر بنحو ٤٣٥ عضواً تم الافراج عن ٣٠٠، وبقي في السجن الآن نحو ١٣٥ عضواً في سجن وادي النطرون.
وأشارت المصادر إلي أن عصام إبراهيم جبر وحسين هريدي قياديي الجماعة، من أشهر المفرج عنهم في المجموعة التي خرجت، وذلك علي مدار الأشهر الماضية.
وأشارت المصادر إلي أن جماعة التكفير والهجرة داخل السجن، تعهدت بوقف العنف مقابل حرية الدعوة، وإعطائهم مسجداً، إلا أن أجهزة الأمن رفضت وطالبت بالتعهد بوقف العنف وعدم التكفير، مقابل إطلاق سراحهم، وهو الاتفاق الذي توصلوا إليه في وثيقة ما سميت بـ«الضمانة»، وتجري الآن عملية الافراج الكامل عنهم.
وكان أعضاء جماعة التكفير والهجرة «الشوقيين»، قد ألقي القبض عليهم عقب مقتل «شوقي الشيخ» كبير الجماعة، ومعه نحو ١٥ آخرون في اشتباكات مع أجهزة الأمن عام ١٩٩٠، وعاودت الأجهزة الأمنية إلقاء القبض عليهم عام ١٩٩٢، بعد مقتل اثنين من الموظفين وأحد ضباط مباحث أمن الدولة بالفيوم، علي أيدي أعضاء الجماعة.
وتم تقديم نحو ٩٠ متهماً منهم للمحاكمة العسكرية عام ١٩٩٣ بعد أحداث «قرية كحك» الشهيرة بالفيوم عقب مقتل الضابط أحمد علاء علي يد اثنين من أعضاء التنظيم، وحكم عليهما بالإعدام، حيث تم تنفيذ الحكم في أحدهما وهرب الثاني ويدعي محمد عبدالمنعم، وقتل في اشتباك مع أجهزة الأمن عقب هروبه، كما قضت المحكمة علي العديد منهم بالسجن المؤبد وأحكام بالسجن تترواح بين عشرة و١٥ سنة بعد توجيه تهمة الانضمام لجماعة محظورة وحيازة أسلحة وذخائر والسطو علي محال ذهب.












الترجمة الانجليزية








300 Takfeer members released after signing liability to renounce violence


by Ahmed Al-Khateeb 5\5\2007


After an agreement between Takfeer & Hijra Group (Accusers of infidelity & immigrants group) (AIIG) & security bodies, the later released 300 of the first's.
Such agreement dictates the group to renounce violence & to stop accusing others of infidelity & to write the so called "liability document" as a juristic-&-intellectual-review record.
"AIIG members are about 435, 300 have been released, 135 remaining detained in Wadi Al-Natroon prison" Islamist sources told Al-Masry Al-Youm.
"Leaders Essam Ibraheem Gabr & Hussien Hareedy are most prominent among the released group over last months" Sources pointed out.
"Inside prison, AIIG pledged to stop violence in return for freedom of preaching & a mosque , but security bodies refused & asked for a commitment to stop violence & not to accuse others of infidelity in order to release them , which is the agreement they reached & recorded in the so called (liability document). Full release process is under way." Resources said.
AIIG members (Ash-shawkians) had been detained immediately after the killing of shawky elshaykh, head of the group, along with other 15 in clashes with security bodies in 1990.
After the killing of two state employees & State Security Police (SSP) officer in Al-Fayoum by group members, security bodies detained them again in 1992.
90 of them were military-tried in 1993 after famous-Al-Kahk-village-incidents following the killing of police officer Ahmed Alaa by 2 of the organization members. They were sentenced to death; one of them was hanged, while the other –called Muhammad Abdul mone'am – escaped. However, he was killed in clashes with security bodies after his escapade. The court sentenced some of them for lifetime imprisonment & diverse sentences from 10 to 15 years for joining a banned group, weapons & ammunitions possessing & gold-shops- burglary.







النقاط الفنية بالمقال


1-كلمة التكفير والهجرة

الكلمة دي ملهاش نظير ثقافى عندهم أو على حد علمي اني معرفش نظيرها هناك....ولما نترجمها ونحاول نحطها فى العنوان هنلاقيها كبيرة جدا....والعنوان مينفعش نعمله كبير جدا كدة....طيب الحل اية

كتبت الافراج عن 300 takfeer

وبعدين فى أول قطعة من المقال كتبتها تانى وشرحتها للقارىء الانجليزي

وبعدين اخدت اول حروف من الجملة وعملتها
Acronym
زي ال un

بدلا من
united nations

وهكذا

وفى كل قطعة بعد القطعة الأولى أكرر الاختصار وبس





2-كلمة الضمانة

الضمانة كلمة محسوسة وليست شىء ملموس

وفى العنوان المصرى كان المقصود منها الاثارة والتشويق لما انت تقرأ كلمة الضمانة هتسأل يعني اية وخصوصا انها محطوطة بين قوسين وبعدين تحت فى المقال هتفهم الشرح

انا ترجمتها زي ما هى فى العنوان امعانا فى التشويق والاثارة

وبعدين شرحتها تحت وكتبت

liability document




3-كلمة الشوقيين

الشوقيين يعني ينتموا او يتبعوا واحد اسمه شوقى

لما هنترجمها مش هنقولها الشوقيين برضة ترانسكريبشن يعني

انما هنعملها

shawkians

زي

Azhar....Azharian

cairo....cairoian

Alsun.....Alsunian


وهكذا


وان شاء الله كل فترة اكتب مقال وترجمته وفكرة الترجمة او التريك اللى فى الترجمة

والله ولى التوفيق

كويس كدة؟

عشان الناس اللى زعلت انى شتمت تامر حسني

هم عندهم حق

وانا فعلا حسيت انى غلطت لما شتمته

وربنا يغفر لنا كلنا

وشكرا لنصيحتكم وأمركم بالمعروف ونهيكم عن المنكر

وجزاكم الله خيرا

والسلام عليكم ورحمة الله وبركاته

بحلم

الواحد بأت حالته صعبة اوى يا جدعان

من كتر ما الواحد محاصر باللغة الانجليزية من كل ناحية وحاطط فى دماغه موضوع التدريب عالترجمة الفورية وكدة بأة كمان بيحلم بالانجليزي


اقولكم ازاى؟




امبارح نمت بالليل -عشان محدش يقوللى حلمت بالنهار- نمت وحلمت انى فى مؤتمر....وكان المؤتمر فيه واحد امريكي وانا المترجم الوحيد فى المؤتمر وبعدين الجدع الامريكاني ده قعد يشتم فى مصر ويتكلم عن الاسلام و انا طبعا مقدرتش امسك نفسى ومسكته غسلته وفندت حججه كلها وشرحت الشتيمة اللى هو قالها للجمهور وبعدين ترجمتها للى قاعدين وبعدين عملت رد فى السريع وقلته له...خلصت الرد وصحيت لقيت نفسي فى البيت

صحيت لقيت الساعة 2 الظهر وراح عليا كورس الصبح....قلت ياللا مش مشكلة....اهو الخطاب اللى كنت هترجمه فى الكورس انا عملت احسن منه فى الحلم
(:

صباح الفل

أى آي القرآن تخشى؟

سؤال سألته لنفسي و قبل نفسي سألني إياه أحد الأصدقاء

أى آي القران تخشى أكثر؟

فقلت

الاية 15 و 16 سورة هود

من كان يريد الحياة الدنيا وزينتها نوف إليهم أعمالهم فيها وهم فيها لا يبخسون
أولئك الذين ليس لهم فى الاخرة الا النار وحبط ما صنعوا فيها وباطل ما كانوا يعملون

ومعنى الآية بشىء من التبسيط أن من كانت الحياة الدنيا هدفه فسيعطيه الله جزاء أعماله الصالحة فى الدنيا و يوفيه اياها فى الحياة على شكل أموال وأولاد وشهرة وحياة طيبة ولكن ليس له فى الاخرة الا النار
وحبط عمله فى الحياة بسبب ارادة غير وجه الله تعالى

هذه الآية كلما سمعتها أحسست...أحسست بما لا يمكن وصفه.........اللهم ارحمنا ونجنا من النار
امين

ثم سألت صديقى

وأنت....أى آى القرآن تخشى؟

قال:

ويمدهم فى طغيانهم يعمهون

فهو يخشى أن يمهله الله تعالى ويمده فى طغيانه وهو لا يدرى ثم يأخذه على حين غرة



وأنت؟ أى آى القرآن تخشى أكثر؟