عشان الناس اللى زعلت انى شتمت تامر حسني
هم عندهم حق
وانا فعلا حسيت انى غلطت لما شتمته
وربنا يغفر لنا كلنا
وشكرا لنصيحتكم وأمركم بالمعروف ونهيكم عن المنكر
وجزاكم الله خيرا
والسلام عليكم ورحمة الله وبركاته
اللى شافوا المدونة دى
يارب يكون صحيح
اللعبة
Monkey Snowfight
10 comments:
ليه دايما باقرا النص التاني من الكلام مش بالحق النص الأولاني هو فين ده؟
للامانة العلمية ..المشكلة مكانتش في شتيمة تامر حسني
اظن واضح؟
بعد قرون من موت الحجاجا بن يوسف الثقفي
سبه رجل
فقال له احد اهل العلم:
ان الله -عزوجل- الذي سيأخذ للناس حقوقها من الحجاج
سوف يأخذ للحجاج حقه منك
أمسك عليك لسانك يا بو حميد
بس انت شتمته فين؟؟؟؟؟
الله المستعان
عصفور المدينة
نصيبك بأة
معلش انا مسحت البوست اللى فات
المرة الجاية تلحق تقرا الشتيمة من اولها
(:
أميرة
مش للامانة العلمية بأة
هو نوع من الامانة بس مش العلمية
وبيني وبينك اتكسفت احكي الحوار تانى
وبعدين الحوار اياة انا مقلتش فيه الفاظ خارجة-اينعم هو كله خارج- لكن مفيهوش لفظ وحش
بس الفكرة اللى فكرت فيها وكنت بطرح عشانها الموضوع
التعليقات وردود الافعال
انا كتبت الحوار اللى حصل ده فى منتدى صيد الاسماك اللى كله رجالة-950عضو منهم 2 حريم فقط- وكانت التعليقات كلها ذكورية وكلهم بما معناه-كلهم نفس الصنف....قطط كلها خاينة....لو القطة دي حكموها بين الشرس والوقح اكيد هتختار واحد فيهم ومش هتختار الحنون المعطاء اللى هيديها سمك ويخلى باله منها....وواحد قال نكتة بايخة واللى شتم فى الاناث كلهم....دي كانت تعليقات الذكور
هنا معلقش غير 2 وكانوا بنات
واحدة زعلت-واعتقد عشان تامر
والتانية وضحت حالة القطط الضالة-وبعدين زعلت عشان الغلط والشتيمة فى واحد ميعرفنيش
والتالتة اتكسفت تسيب تعليق او كانت مترددة كعادتها
(:
ده بيديني فكرة عن الحالة النفسية للمحيطين بي فى المجتمع
الا صحيح
هى بتتقال المجتمع البلوجي واللا البلوجرى؟
مش عارف
هو ياء النسب بتضاف لاصل مفرد ومش جمع
لو هننسب للبلوج يبقى بلوجي
لو للبلوجرز نفسهم يبقى البلوجرى
اعتقد البلوجي أصح مع تشديد الجيم
بس شفتى قلبت الترابيزة عليكي ازاى بمهارات التفاوض الخارقة اللى معايا
انتى قلتى لى فى تعليقك....أظن واضح....وكسفتيني بنقطة قرائتك للبوست الاولانى...وانا رديت عليكي ب
counter comment
واحرجتك بترددك او كسوفك انك ما سبتيش تعليق
اى خدمة
ومتلعبيش مع الوحوش فى الغابة تانى يا مولاتى
ربنا يهدينا يا خالد
وربنا ياخد لنا حقنا من اللى ظلمونا ويهدينا ويوفقنا لاسترضاء الناس حتى يعفوا عن حقوقهم لدينا
بس القطة اللى خليت سيرتها على كل لسان دي اعتذر لها ازاى؟
ابقى اروح اصطاد سمك تانى واديهولها تانى
وربنا يبعد عنا كيد القطط
اللهم امين
انا مفهمتش حاجة!!
عايز تقول ايه يعني
لا لا لا ..انت متعرفنيش
انا لما محبش ارد مبردش وخلاص
الموضوع عندي مفهوش اييييييي ازمات
بالنسبة للبوست اللي فات فأنا مردتش (بدون تردد) لأن زي ما انت قلت الحوار كان ... اسمحي يعني..خارج..او جزء منه ع الاقل..وانت لما رديت عليا بكونتر كومنت لم تحرجني..بالعكس..شئ يشرفني اني لما اقرا حاجة كده اني مردش ..طبعا سورى مش قصدي حاجة..كل واحد حر في بلوجته يعني..لكنا انا كمان حرة اربط اسمي بالموضوع الفلاني او غيره..زي بظبط ما واحد يقول نكتة خارجة قدامي.. لو ضحكت وعلقت ابقي بستهبل..لكن علمونا ان البنات المحافظة تعمل نفسها مش واخدة بالها ولا تحرك ساكنا
ده بالنسبة للبوست
اما ميرمار..وهي صديقة شخصية ليا..(وليس لي علاقة والله بردها) فهى مشكلتها كانت نفس مشكلتي برضه..مش تامر حسني
:)
احنا كبرنا الموضوع اوييييي.. وهو عادي اصلا..ما الناس عمالين يكتبوا شمال ويمين..اكتب يا ابني اللي انت عايزه واللي مش عايز يعلق ميعلقش وخلاص
عموما اتمني تكون كونت فكرة كويسة عن المجتمع الافتراضى اللي حواليك
بالنسبة لكلمة بلوج
طبعا انت عشان تصرفها بالعربي وتعمل منها صفة وحال وكده غالبا حتستخدم كلمة تدويني
وبلوجر ده طبعا الشخص اللي بيبلوج
عشان كده كلمة البلوجرى دي مش داخلة دماغي لانها نسبة للفاعل مش الناون
وتقدر تمسح الكومنت ده بعد متقراه..انا والله لو كان ينفع ابعتهولك برايفت كنت فعلت
تحياتي
أميرة
عايز أدور لك على
counter comment
مش لاقى
كنت حاسس انك هتقولى كدة وتقولى سياسة البنت المحافظة-لا أرى لا أسمع لا أتكلم-بس مش بمعناها السلبي- بمعناها الايجابي وهو تجاهل الرذيلة لئلا أكون مشاركاً بها
وبالنسبة لكلمة بلوج...فعلا رأيك صحيح تماما انى هتعامل مع الكلمة-تدوين- فى اللغة العربية وبلوجر مش هينفع نتعامل معاها ولا عربى ولا حتى منطقيا في العامية-يبقى خلينا فى التدوين احسن لما نضيف ياء النسب
أيا كان الامر فهى بلوج مش بلوجة- وكل واحد حر فى بلوجه مش فى بلوجته
أظن واضح؟
(:
وحتة سمارت منك التعليق الاخير ده....وانا اللى قلت انك لازلت مترددة كعادتك....وعموما انا فهمت وجهة نظرك وكمان ان شاء الله مش هاكتب مواضيع بورنو تانى
(:
وربنا يهدينا ويصلح حالنا
امين
أحمد
....
هو انا مكنتش حاضر الموضوع بس حوار اميرة عجبني وردها عجبني وموقفك عموماً مع منتقديك كويس وجميل
حاول يا حاج احمد تقول ومتخفش وان خفت متقولش...دي نصيحة اخوية
تحياتي
ويجعلو عاااااااااااااااااااااامر
Post a Comment