الواحد بأت حالته صعبة اوى يا جدعان
من كتر ما الواحد محاصر باللغة الانجليزية من كل ناحية وحاطط فى دماغه موضوع التدريب عالترجمة الفورية وكدة بأة كمان بيحلم بالانجليزي
اقولكم ازاى؟
امبارح نمت بالليل -عشان محدش يقوللى حلمت بالنهار- نمت وحلمت انى فى مؤتمر....وكان المؤتمر فيه واحد امريكي وانا المترجم الوحيد فى المؤتمر وبعدين الجدع الامريكاني ده قعد يشتم فى مصر ويتكلم عن الاسلام و انا طبعا مقدرتش امسك نفسى ومسكته غسلته وفندت حججه كلها وشرحت الشتيمة اللى هو قالها للجمهور وبعدين ترجمتها للى قاعدين وبعدين عملت رد فى السريع وقلته له...خلصت الرد وصحيت لقيت نفسي فى البيت
صحيت لقيت الساعة 2 الظهر وراح عليا كورس الصبح....قلت ياللا مش مشكلة....اهو الخطاب اللى كنت هترجمه فى الكورس انا عملت احسن منه فى الحلم
(:
صباح الفل
اللى شافوا المدونة دى
يارب يكون صحيح
اللعبة
Monkey Snowfight
7 comments:
امممممممم
كده انت حالتك بقيت صعبه فعلا
بس مش صعبه قوى
يعنى هى حاله طبيعيه اما تلاقى فكره مأثره عليك لفتره بشكل ملح
يعنى انا حدث ذات مره من المرات ايام الامتحانات ماما كانت بتصحينى سمعتلها جزء من المنهج
بس الغريب بقي انك صحيت فى الحلم لقيت نفسك فى البيت مش فى امن الدوله وده يؤكد انه اضغاث احلام مش رؤيه
قرأت مرة عن وسيلة للتعليم اثناء النوم أعتقد إنها حدثت معك
بحيث إنك قبل ما نمت كنت مستغرق في الموضوع فنميت المهارة اثناء النوم
بس بشكل انتحاري
عالمي أزرق
بتحصل كتير على فكرة.....بس ندعى ربنا ميكونوش بدأوا مرحلة مراقبة الاحلام كمان
واحتمال بكرة ينزلوا لها قانون فى سيد قراره
قانون مراقبة الأحلام
والحمد لله على نعمة السلامة
عصفور المدينة
ياريت الواحد يتعلم فى كل وقت وحين
حتى ولو فى النوم
أحد السلف كان بيأمر ابنه ان يقرأ له كتب العلم والامام فى الخلاء ولما سأله لم يا ابت؟ قال...انى لا احب ان اضيع اى وقت لا اطلب فيه علما
والامام الشافعى كان بيستيقظ من النوم 20 مرة-مش فاكر الامام الشافعى او البخارى- ويكتب ملاحظات وينام تانى
ربنا يجعلنا طلبة علم ويوفقنا للعلم فى كل لحظة
اللهم امين
هههههههههههههههههههههه
انت خلاص وصلت
وصلت كوكب زحل طبعا
بس غريبة انك محلتش بنفسك قاعد ع الكمبوتر
فاتح بلوجتي
وهاتك يا كتابة
"لا لا..انا ارفض الوجود الاستعمارى لعمرو خالد..فليسقط عمرو خالد..انا ارفض واشجب واحتج"
كده كان الحلم يبقي واقعي ومما تحدثك بيه نفسك
هههههههههههههههههههههههههههههههه
معلش يا احمد..اضعاث احلام
وان شاء الله الحالة دي بتخف بعد الامتحانات
ههه
وعموما برضه في انديكيشان كويس
انك ما شاء الله حاطط الدفاع عن دين ربنا في دماغك
(انا معرفوش والله يا بيه)
الدفاع السلمي طبعا..بالترجمة وكده
(يا باشا والله ما عرفه الواد ده)
انت بس ابقي اشرب الحاجات اللي بلطجية بيشربوها قبل ما يناموا وانت تبقي كويس ومتشوفش احلام خالص
بس دي بقي معلومات سرية مش اي بلطجي صغير كده يعرفها
دي لازم دراسات عليا وحاجات
الا صحيح مين ريكاردو ده؟..
حلمت بيها بس اتكسفت اكتب طبعا
لحسن العملية توصل ل"بحلم بيك انا بحلم بيك" وانا مش بحب عبد الحليم
ونرجو من الله اننا نكون من المدافعين عن الاسلام
اللهم امين
وريكاردو دي...ياللا بلاش....مش هينفع اقولك...دي للبلطجية الكبار وبس
ويجعلو عامر
انت حالتك صعبة أوي
بس متقلقش
في علاج للموضوع دة
ربنا يستر عليك بجد
انت كدة لما تشغتل إن شاء الرحمن هتعمل اية؟
هتدخل الشغل كمان في الحلم؟؟؟
خد بالك من نفسك..دة كتير على أعصابك
ربنا يوفقك يا رب
:)
نوني
Post a Comment