حد فاكر رحلة الصيد البحرية اللى حكيت عنها؟
الفيديو بتاع الرحلة اهو....الشباب عملوه ورفعوه على يو تيوب
حذروا فذروا انا ميييييييين؟
احلى حاجة انهم ما صورونيش وانا ب أوووووووووووووع
http://www.youtube.com/watch?v=_y249lz-n68
على فكرة........... ان شاء الله......... انا طالع الزعفرانة يوم السبت الجاى...صيد من على مارينا برضة...بس هنسهر طول الليل ونرجع تانى يوم الصبح...ادعوا لنا بأة بالرزق الوفير
جزاكم الله خيرا
والسلام
اللى شافوا المدونة دى
يارب يكون صحيح
اللعبة
Monkey Snowfight
19 comments:
طبعاً أنا حزرت وفزرت أنت مين
مع أنها صعبة شوية
ربنا يرزقكم إن شاء الله الرحلة الجاية كتييييييييييير
بس حلوة الموسيقى بتاعة الفيديو ديه
والتصوير كمان
على فكرة أنا
nour_art@hotmail.com
هتعرفني لما اجيب الفيديو الجاى وتقارن وتعرف
بس الموضوع طبعا مش مستاهل يعني...هاطلع مين يعني؟ الفيل ابو زلومة؟
ان شاء الله الفيديو الجاى يعجبك
ومتزعلش من هزارى...ساعات مبعرفش افرق بين الجد والهزار
وشكرا على الدعاء
اه انا اضفت الميل ده....حتى بالأمارة اسمه يارب!!ومعمول موبايل ديفايس
صور جميلة..
واوحش حاجة في الموضوع حاجتين
الحاجة الاولى..الموسيقى.
الحاتجة التانية..ان سيادتي بقيت الوقتي الرجل الاسود...لاني حبيت اقلدك ورحت اصطاد من تخوم البحر الابيض المتوسط..والشمس بقى يا صاحبي
حمرتني..ثم سودتني..
اللهم انا نعوذ بك من النار
إلا قولي صحيح...
هو انت السمكة...ولا السنارة؟؟؟
مجرد سؤال
السلام عليكم
الاخ الفاضل
لقد قرات تعليقك على مدونة عاوز اتجوز واعجبت بها لانها واقعية جدا
عموما اتشرف بمعرفتك
وربنا يوفقكم في رحلة الصيد
وبتفكرني برحلات الصيد اللي باطلعها انا واصحابي واللي غالبا بتكون نتيجتها لا شي
لعدم خبرتنا بالصيد
بالتوفيق اخي الكريم
مع خالص تحياتي
البحر
WWW.ANA-ELBAHR.BLOGSPOT.COM
ana_elbahr2006@yahoo.com
دكتور خالد
طبعا محدش موافق على الموسيقى بس اللى عملوها شباب بأة هنقول اية طيب؟
وانا كمان معرفش احذف الصوت من يو تيوب
بس كان ممكن حضرتك تقفل السماعات لما لقيت مفيهاش ساوند أشخاص ولا بحر يعني
(:
سيبك انت المهم حمد الله على سلامتك من رحلة الصيد بتاعتك واحمد ربنا انها جت على أد الشمس
فيه ناس بتروح أماكن زي الغردقة او الطور ويكون السمك بينط فى المية ادامهم ويقعدوا 3 ايام مأجرين يخت وعايشين فى وسط المية ويرجعوا من غير ولا سمكة ويبقى هيجيلهم شلل من الموقف
بس عادي يعني هى حياة الصيد كدة
انا الطعم اللى بيطعموا بيه للسمك سيادتك!
(:
البحر:
يا باشا انا اتشرف بمعرفتك اكتر طبعا وسعيد جدا ان افكارى لقت حد يقيمها ويقدرها
(:
كدة انا عرفت ان المستقبل لسة فيه أمل
(:
صباح الفل
تحياتي
الفديو حلو اوى
والرحلات بتعتك مفيده اوى
متنساش تعيشنا معاك فى المود ده بفديوهاتك
تحياتى
عناني
يا باشا احنا نتشرف انك بتتابع اخبار رحلاتنا اساسا
واتمنى انها بجد تكون مفيدة واشكر بشدة اطرائك الجميل ده وقولك ان رحلاتنا بتعيشك فى مود-مود اية ده- بس شكرا برضة انت اخلاق جدا
(:
حاسس بفرحة كبيرة اوى اوى بالكلمتين دول
مش عارف لية
السلام عليكم
دي اول مرة ادخل مدونتك ..
ربنا يبارك ..
ودايما استحضر النية لله .. وان شاء الله ربنا يرزقك برحلات صيد في الجنة .. تلاقي السمك فيها بالكوم ..
تماما زي الصحابي الانصاري اللي سأل النبي ان كان في زراعة في الجنة ؟! ..ربنا يوعدنا
السلام عليكم
انت محرمتش لسة
برحتك
انا عملت اللى عليا و حذرتك من الرحلات دى
انا شفت الفيديو و عرفتاك
انت السمكة صح؟
الرد بتاع التاج هنا اهو عشان متزعلش
1- كوفى ميكس
2- من 3 سعات بنت خالتى بتقوللى اقضى معاها اليوم و مرحتش عشان بابا مرضيش
3- امبارح من انتمتى بتقولى انها مش هينفع تشوفنى فى النادى
4- فيلم corpse bride
5- واحد فى اعدادى الله يسامحة شاط كورة فى دماغى
1- لأ
2- يا لهوى دة انا لعبت المجتمع
3- لأ لسة محصلش الحمد لله
4- اةةةةةةةةة هتعرف لما تقرأ البلوج بتاعى
6- لأ طبعا محصلتش احنا فين هنا
7- لبنى
1- اة كل شويةفاضية اصلى
2- لأ بس لو لقيت هحب و مش هيهمنى
3- اة اصل و انا بفتح الكبريت وقع على القطة بتاعتى و بقت رحيتها شياط
4- اةةةةة فى البلوج بردو الله يسامحة
5- الحمد لله
6- لأ مش بشيل فى نفسى حاجة
7- اتنين بس
8- دة انا اسم على مسمى
11- كان يوم مقرف خطيبى السابف جة رمى الهدية فى وشى و مشى
12- 9
21- البلوجات كلها
أممممم
يأما انت الملتحي ابو سوت شيرت ابيض
يأما انت الولد اللي حاطط نفسه في قلب ونايم ع الرملة
اطلع بقي واحد تالت!
ههه
لا بجد لازم تقول انت مين اوكيه
ودا امر ملكي طبعا
سلام
يا احمــــــــــــــددددددددددددددددد
انت فين يا صاحبي؟؟
العيال غطسوك في الزعفرانة ولا ايه؟؟
الواد يا كبدي مبانشي من يوم الحد يا رجالة....
حد يروح يشوفه
انت يا عمي
غرقت
في شبر ميه ولا ايه؟؟؟
ربنا يرجعك بالسلامة
مجبور الخاطر
لو عرفت تجيب كابوريا هات
اصلي بحبها جدا جدا
قدك كده يعني
محمد العنانى:
يا باشا انا مبسوط جدا ان رحلاتى بتعجب حد...ان شاء الله بكرة تعجب الاتنين...ونسميها رحلات جاليفر كمان عشانك يا جميل
الديب:
شكرا لاخلاقك الكريمة ومرورك اللى شرفنا طبعا
شاشة الكمبيوتر نورت بزيارتك يا باشا
مستنيينك تزورنا تانى
ايموس
لا انا مش السمكة......السمكة مؤنثة وانا مذكر اوى والحمد لله
الرد بتاع التاج بتعملي بيه بوست عندك مع الأسئلة يعني بيتنشر فى بوست مستقل عندك
شكرا يا جميل
أميرة:
هتعرفى انا مين فى الفيديو الجاى
وبالنسبة للامر الملكي....الرد هو: انا مع الثوار
(:
بجد هتعرفى وهتضحكى جدا وعلى فكرة كان فيه 3 ملتحين غيرى فى الفيديو
دكتور خالد
مغرقتش ولا حاجة يا صاحبي بس الزعفرانة المرة دي كانت زي السكر
وبالنسبة للكابوريا استنى لغاية اول الشهر واعزمك على شوية كابوريا زي الفل -مش من صيدي طبعا- هننزل نصطادهم من شاطىء سوق العبور باذن الله
(:
اقرا بوست الزعفرانة واضحك وادعيلي
Post a Comment