حبيت اعمل افتكاسة و حركة جريئة واعمل تاج ابعته للناس اللى اعرفها
تصفحت اغلب التاجز الموجودة عند الناس
عرفت الاسئلة الشائعة وخدت منها بعضها وابتعدت عن البعض الاخر
وكمان حاسس انى فهمت اللى الاسئلة الهادفة بترمي لية وحبيت احط اسئلة هادفة شوية ويكون الرغى فيها كتير مش مجرد الاجابة بنعم ولا عشان كل واحد يبعبر عن نفسه شوية
اترككم مع الأسئلة
Enjoy
من هو:
أحب شخص لقلبك فى الدنيا؟
انسان مستعد تضحي بحياتك –ركز فى كلمة حياتك- عشانه؟
اسم أول حب؟
اسم اخر حب(حتى الان)؟
انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟
ما هو:
اسم أجمل كتاب كتبه بشر قرأته ومحتفظ به حتى الان؟
اسم كتاب-كتبه بشر برضة- انت متعلق بيه وبتقرأه كل فترة؟
اهم جهاز منزلى انت متعلق بيه او بتستخدمه كتير؟
شىء تحس بالراحة النفسية عندما تنظر اليه؟
مكان تحس فيه بالحنين الى شىء لا تدرى ماهو و ذكريات جارفة الى لاشىء؟
مكان تحس بالراحة عندما تدخله؟
اجمل مدينة زرتها داخل مصر؟
أجمل مكان طبيعي رأيته داخل مصر؟
شخصية كارتونية بتحبها؟
نوع هاتفك المحمول؟
سرعة بروسيسور جهازك؟
حجم ذاكرة –هارد- جهازك؟
المساحة التى تشغلها المواد الاسلامية على جهازك؟
نفس المساحة السالف ذكرها فى قلبك-الاجابة لنفسك عشان الرياء يا اخواننا-؟
أهم هدف انت واضعه لحياتك دلوئتى؟
مواصفات فتاة –أو فتى للبنات- الأحلام بالنسبة لك؟
صف ما يأتى:
شعورك لما بتسمع كلمة مصر؟
شعورك لما بتسمع كلام عن اليهود؟
شعورك لما بتشوف ظابط شرطة؟
شعورك لما بتشوف الكناس العجوز فى الطريق؟
لون البطانية اللى بتتغطى بيها فى الشتاء؟
لون الجورب-الشراب- المفضل لديك؟
احساسك اذا داست قدمك فى الطريق على مخلفات اخراج حيوان- *** ولا مؤاخذة-؟
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
احساس يراودك فى اشارة مرور مغلقة بسبب مسئول كبير؟
التاج ده أمرره للاتية أسماؤهم
على واحد من الناس
شاب فأرى
ضاكتور خالد
سمسم
سوسة المفروسة
ايموس
محمود ابن أخ
أميرة البلطجية
حلم الحرية
بس خلاص
اللى شافوا المدونة دى
يارب يكون صحيح
اللعبة
Monkey Snowfight
14 comments:
هههههه
تاجات ايه بس الان؟؟
نتقبله ماشي يا جميل بالجملة..والقطاعي
انا كنت باكتب موضوع
في اليومين دول
معلشي هاستقبل التاج بتاعك يومين كده
وسلامي للكاليماري
تانى
يالا مش إشكال مع إنى مش هاجاوبه كله علشان ده تحقيق نيابة مش تاج :-)
لأ تصدق عجبنى
شكلى هاتهور وأجاوبه تانى
بس انت مفروض تجاوبه الأول
خالد
يا باشا فى أى وقت تريد
احنا تحت امرك
والسلام وصل والكاليمارى بيقولك تعالى خد شوية حبر
(:
محمود سعيد
يابني ابعد عني يابني يا حبيبي مالكش دعوة بيا
(:
انت تانى؟
ماااااااااااشى
هوريك يا محمود
جاوب بس وانا اجاوبه بعدك
اهئ اهئ
انا اول واحد اتدبس
يا جدعان انا مديون للناس دلوقتي باربع تاجات
والله العظيم حرااااااام
ان شاء الله ربنا يوفقني وارد عليهم في اقرب فرصة ممكنة
ربنا يوفقك يا على
واحشنى والله وعايز اتكلم معاك كتير
مبروك على مدونتك مع شاب فأرى
كاريكاتيرك هايل يا على ولو انى مكنتش افتكر ابدا ان شاب فأرى دماغه سياسة كدة وبيحقد على بابا حسني بالشكل ده
اية الحقد الطبقى اللى فى نفوسكم ده يا شباب مصر؟
مش عايزين اخوكم جيمي يتجوز ويستر نفسه ويكمل نص دينه
ياللا...على رأى احمد فؤاد نجم
ماحناش كارهينك
لكن هارشينك
حتكمل دينك
وتطلع...تيييييت ...واللا بلاش عشان الرقابة
ربنا يخليك يا احمد
ويخليك معانا يا سمسم
ماشششششششششششى يا عم احمد
بس ايه التاجات الجامدة دي؟
على فكرة..انا عايزة اشكرك تاني على موضوع نارنينا ده..مش عارفة والله فرحت اوي..ان شاء الله ححاول اوصل للفلم ده واشوفه عشان اشوف نفسي
ميرسي يا احمد
وحاضر حعمل التاج ان شاء الله وانشره قريبا
تحياتي
لا شكر على واجب
كويس انك مشوفتيش الفيلم لسة
انا اتكسفت اصلى انى اقول لك انك شبه الاميرة الصغيرة مش الكبيرة
الصغيرة تشبهك اكتر على فكرة
وفى انتظار التاج
سلام
ربنا يبتليك بإخطبوط هربان من مراتو
يا بعيد
ليه كده ده انا لسه قايم من وعكة
احباط
ما علينا
يجعلوعاااااااااااااااااااااااامر
اعمل اية بس يا سمسم
بحبك ومقدرش على بعدك
Post a Comment