السلام عليكم و رحمة الله و بركاته
طبعا عنوان الموضوع غريب بس هو فعلا حقيقى ...يعنى بصراحة حاجه كده من الى بنشوفها فى الافلام..و مش حطول عليكو و خلينا ندخل فى القصة علطول.
المكان: وادى الدوم
الزمان: 10 - 7- 2007
المركب: KH
مع الريس اسامه و البحرى مصطفى و ابو اسكندر
الجو معقول بالرغم من وجود شوية هوا...السمك الى شغال خرمان و بلاط..و فجأة انقطعت الخيوط...شوية و السمك منع تماما...الريس اسامه قال اكيد فى حاجة..طعم بسمكه على شعر كبير...الشعر ينقطع...حبل..برده ينقطع!
فى اية يا جماعه هو ايه الى تحت؟!
الريس اسامه يطلع هلب و يطعم فيه 6 خرمان و ينزل...شوية و يلاقى ونش بيسحب منه الحبل...الناس كلها تتلم على الحبل و تشد و شوية و يلاقوا الباشا ظهر على وش المية..و تبدأ المعركه ...ضرب بوجل و ربط بحبال و مش نافع معاه خالص....بصراحة حاجه فعلا غريبة...و فى النهاية القرش يقطع 12 حبل و يكسر وجلتين و بروصى صغير و يمشى بكل هدوء بعد معركة استمرت حوالى ساعه..و بعد مكان طلع نصفه من المية...مش عارف اقول اية...خليكو مع الفيديو احسن
الفيديو التانى ده أوضح شوية
و فى الختام أحب أحذر كل متصفحى المدونة من النزول للسباحة فى وادي الدوم(بعد العين السخنة بحوالى 20 كم) وخاصة عند الفنار
وأعتقد السبب واضح
(:
Subscribe to:
Post Comments (Atom)
Monkey Snowfight
70 comments:
حمدا لله على سلامتك يابلوك
قلقت عليك افتكرتك اليوم بعد الفجر والله
قلت أكيد بيدور على شغل أتاريك مقضيها مغامرات
اتفرج بقة على الفيديو بعد ملخص الفشل
عم عصفور
مش ممكن يا عم عصفور..........بجد بجد انت بتحرجني بكرمك..........على طول كدة بتسال عني........دايما اول تعليق.....من يوم ما كتبت وانت اول تعليق............لا تتخيل انا فرحان اد اية........انا مظأطط مش فرحان..........بجد انا فرحان اوى اوى انى استاهل ولو ثانية بتفكر فيها فيا يا عم عصفور
انا بحبك اوى اوى اوى
الله يبارك فيك ويجعلك فى الجنة بحق كل لحظة حلوة حسستهالى يا عم عصفور
شوف الفيديو واحكم.........فيه حد يدور على شغل بعد كدة؟
(:
مستنى رأيك فى الفيديو
شوف بقى ...انا باجى اهو
واعلق كمان ...واخد بالك من باعلق دى
وبعدين ايه حكايتك مع البحر ..والسمك ...و الرنجة ...والفسيخ .. والحاجات دى
يا خوفى الحلقة بتاعتك فى اللعبة تقلب على باراكودا ...وانا المفروض حاكمل عليك ....وانا اصلا ماليش فى الجو ده...ومابحبش السمك
بصراحة مش عارف اشوف الفيديو ...بس حاحاول تانى بعدين
ومن غير فيديو اصلا انت سردك بيدى صورة حقيقية
بس بجد واضح ان ايامك كلها مغامرات ان مكانتش بحرية تبقى برية
ارجوك متفكرش تركب طيارة
تحياتى
ye7'reb beet keda
bawaztely 2a3saby ya 3am
ana mesh hanzel el ba7r fe 2ay 7etta mesh fel doom bs
2al ya3ny banzel el ba7r
el mohem ennak be7'eer wel rayes ma3rafsh 2esmo eh elly mesh haysebo dah
rabena yostor 3ala el bena2admeen
انا شفت الفيديو
انا كنت باخاف من السمك وخصوصا الكبير منه
دلوقتى انا باخاف من السمك والميه والبحر ومطروح وشرم ...وبفضلك مافيش تصييف السنة دى
تحياتى
jana
متقلقيش........القصة انا ناوى ابعتها العراق وافغانستان واحتمال ادخل القاعدة وطالبان فى الحوار
(:
على فكرة انا بزورك كتير بس بصراحة انا مش بلاقى نفسي اوى فى القصص الاجتماعية........يعني ........بحس انها نكد زيادة والواحد مش ناقص نكد.........انما ده لا يعني ان قصصك ناقصة ملح.......بالعكس.......قصصك ممتازة جدا واسلوبك فى الكتابة جمييييييييييل وحسيت فيه باحاسيس جميلة وان كان يفتقد الى السلاسة
ولازم تشوفى الفيديو........بجد اللى مش هيشوف الفيديو البوست ده...........فاته كتير اوى.........واللى مش هيطلع رحلة بحرية من وادي الدوم.......فاته اكتر
منتظر دورى فى اللعبة........ومتخافيش مرة تانية
والسلام
emos
أومال لو شفتى الخيوط وهى بتتقطع لحظة واحدة وقلق كل اللى على المركب واحساسنا ان فيه وحش تحت؟
طيب لو سمعتى صوت الموج بيخبط فى جانب المركب......صوت انسيابي جميل واسترخاء حلو اوى......وفجأة تسمعى طراااااااااااااخ........صوت جسم الوحش وهو بيخبط فى جنب المركب من تحت.........على فكرة القروش دي غشيمة اوى........كتلة من العضلات والغضاريف(مفيش دهن او لحم سايب اطلاقا ولا عظام)ولما بيضرب بجسمه فى حاجة ممكن يكسرها فتافيت
ولو شفتى بأة وهو بيطلع بالحبال والزعنفة بدأت تظهر زي أفلام الرعب بالظبط.........بجد بجد خسارة ان اللقطة دي ماتصورتش
هاه.......مش ناوية تفكرى وتشاورى عقلك فى رحلة بحرية؟
وعلى فكرة.........مش الريس اسامة بس اللى مش هيسيبه.......انا كمان حلفت انى مش هسيبه.......انا وراه ولو كلفنى ده عشر رحلات بحرية كمان اخد اللنش لوحدي واطلع ادور عليه..........ولو شفته المرة الجاية بجد هاطلعه يعني هاطلعه ولو حتى انط فى المية وراه.........ده حلم يا بنتي.......انتى لو عشتى اللحظات دي........مش هتسيبي البحر تانى ابدا.......رعب وقلق وتشوق واثارة.....بس حلو ومنقدرش نبطله.......ادمان ....عارف.......بس بحبه
منتظر تأكيدك على رحلة بحرية قريبا
والسلام
Jana
اية ده؟
وانا اللى قلت انك هتحجزي معايا للرحلة القادمة؟
عيب كدة........بتخافى من حتة قرش صغنون؟ ده حوالى 2 متر بس
(:
متخافيش.......مطروح مفيهاش قروش ولا سمك اصلا
(:
اما شرم........هى اللى تخافى منها بجد..........انا مطلع من الكونيسة (قبل شرم ب 50 كم) سمكة جرم بياض 8.5 كجم وفي جنبها عضة سمكة كبيرة......العضة تقول ان القرش اللى فى الفيديو ده لسة جونيور وحديث الولادة كمان........شرم مانصحش اى حد بالسباحة فيها ولا بنزول المياة فى مراكب اساسا الا فى المناطق الامنة......واصلا هى اغلبها محمية طبيعية وهتلاقي فيها القروش والباراكودا والموراى والناجل والتوين وكل الجروبرز بالعبيييييييييييييط
شوفى.........هابقى اجيب لك صور من شرم للسمك اللى بنطلعه.......وانتى تحكمي
(:
والسلام
tayeb 7'odny ma3ak neroo7 nestado sawa
ana law hastado hastado 3ashan amaweto w ma7adesh tany el yeshoof el manzar dah
ya sater 2ostora yaaaaaaaaaaaaaaaaaaaaa rab
وانا والله يا أحمد أحبك جدا والله يعلم والمسألة ليست مجرد تعليق زي ما قلت لك أنا كنت أفكر فيك وأنا ماشي في الشارع ودعوت لك إن ربنا ييسر لك
رأيي في الفيديو أفظع حاجة منظر السنان وبعدين أنا مش عارف انتم ليه كنت مصرين تصطادوه ده شكله مؤذي جدا وخارج السيطرة كان ممكن تقولوا له ربنا يسامحك روح الله يسهل لك
انا اصلا مبحبش البحر
وكرهته زيادة بسبب الموضوع دة
وشكرا على التحذير
وعد انى مش هنزل المنطقة دى تانى خالص
مدونتك جميلة ماشاء الله
إن شاء الله مش هتكون اخر زيارة
ومبروك البكالريوس يا باشا :)
emos
انا خلاص اتفقت على رحلة يوم الاحد بعد بكرة وباذن الله واحدة تانية الاربعاء اللى بعده.....فى حموتها كدة نطلع نشوف الزبون راح فين وندور على صحابه اللى معاه
فريق الصيد بتاعنا كله بيتنططوا من الاثارة بسبب الموضوع ده-على فكرة انا اصغر واحد فيهم وكلهم رجال بين 45 و 60 سنة- وفيهم 3 خبراء اوزان تقيلة فوق ال 80 كجم وناويين له على مصايب
واحد من الفريق هو اساسا كان صياد قروش تجارى.....بيجيب جركن كبير ويقفله تماما(ما يدخلش جواه مياة) ويربطه بجنزير تقيل 10 متر ويربط الجنزير فى الاخر بهلب ويطعم الهلب بسمكة تونة او بلاميطة(السمكتين دول زفرين ودمهم كتير) ويرميها فى منطقة القروش.....ويطلع تانى يوم يكون القرش اكل الطعم وداخ طول الليل من المعافرة مع الجركن او البرميل الفاضى(ييجي يغطسه ميعرفش ويعمل معاه مقاومة شديدة) ونيجي الصبح نلاقى القرش تعبان ومهدود ونصطاده.....دي طريقة من مجموعة طرق كتير
فيه حوار تانى
الناس اللى معايا قالوا لى ان كل سنة فى شهور 9 و 10 بيطلع معاهم فى السخنة اولاد القرش من اوزان 1 و 2 كجم....لان القرش بيدخل السخنة يفرخ فى شهر 7 و 8......يبقى اكيد دي ام او اب من الجيل المهاجر اللى رايح يفرخ ولاده فى السخنة.......كدة احنا جمعنا معلومات عنه ومش ناقص الا التنفيذ... وباذن الله احتمال يوم الاحد بالليل ادعوكم كلكم لغداء من جزل و فيلية القرش يوم الاتنين
(:
بجد لو عايزة تطلعى السخنة فى رحلة بحرية .....المركب موجودة وتقدرى تقولى كل يخوت وادي الدوم والسخنة والزعفرانة تبعنا والحمد لله....شاورى انتى بس وانا اقولك اليخت سعره كام و رخصته كام فرد وظبطي رحلة وانا ارشدكم واعلمكم الصيد
(:
:p
و ادعى لنا ربنا يسهل
والسلام
عم عصفور
ربنا يخليك يا عم عصفور....انا عارف انك بتحبني وانا كمان بحبك
ااااااااااه....منظر السنان.....فعلا فظيعة....و لو شفتها عن قرب تبقى افظع وافظع.....سنانه عاملة زي المنشار وحادة جدا وكلها عكس بعضها يعني لو نزلت على حاجة هتقطمها فى طرفة عين
شفت مرة فيديوهاية عن قرش اصطادوه على سفينة صيد تجارى.....اصلا السفن دي كل شغلها بالاوناش التقيلة والعمال عليها مبيعملوش اى حاجة باديهم....وطلع معاهم قرش زي صاحبنا ده وبحركة خفيفة فلت من الهلب وراح قاضم ساق واحد....فى لحظة كانت الساق اختفت وسمعت صوت تكسير العظام والرجل سحبوه زمايله من بين سنان القرش من غير ساق
حتى انت تلاحظ فى الفيديو كان معانا واحد قلبه طيب واحنا معلقين القرش ولقينا ده بيمد ايده يطبطب عليه.....الريس شخط فيه وقال له اوعى ايدك....الاخ يظهر كان فاكرة سلحفة فى بيت الزلاحف فى جونينة الحيوانات
(:
The manager
نورتني بجد.........بس لية بتكره البحر.........صدقنى البحر جميل وكله اثارة ومتعة
جرب تركب مركب وصدقنى مش هتنسى الاحساس ده طول عمرك
واتمنى انك تزورنى دائما
والسلام
begad ya islamist
law sa7baty matel3oosh andal 2aroo7 hateb2a gamda moot
bs el moshkela ba2a en lazem re7la taba3 7aga w 7ad kebeer yeb2a ma3ana wel aflam el hendi
2a3mel eh ba2a rabena 7'ala2ny bent
bs law ro7t momken 2atla3 ma3 7ad byestad samak 2esrsh?
emos
اه انا عارف نقطة انك لازم تروحي مع حد كبير والموضوع ده
:p
عشان كدة فى اول الكلام قلت لك شوفى لو الاسرة تروح معاكي.........هيكون اظرف بكتير من خروجة بنات........خصوصا انكم لازم تركبوا المركب الفجر او الساعة 5:30 بالكتير اوى..........احلى صيد قبل طلعة الشمس.......الوقت ده السمك بياكل زي الفل
يا ستى لو على صيادين القروش..........كتير وتحت امرك........لو قصدك انك عايزة حد موثوق فيه ...........كتير جدا..........لو هتطلعوا اسرة انا ممكن اطلع معاكم........بس لو بنات طالعين لوحدكم معتقدش هينفع تكونوا كلكم على مركب فى وسط البحر مع بحارة وشاب غريب(يعني اقصد شرعا وعرفا مينفعش)يبقى لازم محرم يا خالتى
(:
حاولى لو كل واحدة من الشلة عندك عرفت تجيب اخوها او ابوها او خطيبها او جوزها.......وبالنسبة للمركب انا هاجيب صور المراكب كلها الموجودة فى المارينا وسعر كل مركب وانتو تختاروا انسب حاجة ليكم
اليخت اللى كنا عليه المرة اللى فاتت ده رخصته 12 فرد بخلاف الريس والبحارة.........بس احسن عدد يطلع عليه 10 افراد بس........ايجاره 700 جنيه فى النهار........صن دك واسع و كبائن واسعة ورحبة وكابينة القيادة فى الدور الثانى وصالون راقى اوى وتليفزيون وريسيفر وهواء جميل وكل الامكانيات الحديثة اللى الواحد بيحلم بيها......ادوات الصيد متوافرة لو مش معاكم.....فيه لايف جاكيتس عشان الناس اللى بتقلق......المركب تصميمها رائع وثابتة فى المياة وراسية ومش بتتهز كتير.....مفيهاش عيوب فنية زي مراكب تانية......لو موجة عالية جت عليها بتمتصها بطريقة هندسية فى تصميمها.........يعنى اعلى معدلات امان واطمئنان
النقطة بعد كدة.........المواصلات......هتيجوا كلكم بسياراتكم الخاصة........نتجمع كلنا فى القاهرة فى مكان معين تتفقوا عليه وكل واحد معاه مكان او مكانين فاضيين فى سيارته ياخد حد معاه.....ونرجع بنفس الطريقة
الطريق......هناخد طريق القطامية-السخنة الجديد وهنلاقى المارينا(الميناء) بعد العين السخنة بحوالى 20 او 30 كم
لو عايزين تطلعوا على مركب رخيصة ومحترمة برضة فيه مركب الملاح......ممكن تعتبريها فالوكة كبيرة .....رجالى شوية ومفيهاش تجهيزات الكترونية نظام تليفزيون وراديو وتكييف......بس مركب ثابتة وكويسة مع انها صغنونة..........تصريحها 8 افراد لكن انصح ان احسن عدد يطلع عليها 6 افراد..........ايجارها 220 جنيه فى النهار الواحد......من الفجر للمغرب
بالنسبة للادوات.......موجود على "بعض" المراكب ادوات صيد للى هيطلعوا على المركب بس دي مش قاعدة........يعني هتكون حركة من المراكبي لكن هو مش ملزم............و كدة او كدة انا معايا ادوات تكفي 3 افراد........والباقى مش مشكلة.....تتدبر
(:
بجد لو ليكي تفكير فى الموضوع.......شوفى وانا مستعد اعرفك الطريق للموضوع ده........سياحة اليخوت هى ارقى سياحة فى مصر وارخصها فى الواقع........شىء هادىء وراقى وجميل وخاصة التعامل مع البحارة المصريين باخلاقهم الرائعة والتعايش مع حياة البحر الجميلة
اسعار المراكب تتراوح بين 150 و 200 جنيه الى 1000 و 1200 جنيه فى اليوم (بس الاسعار العالية دي لحاجات ممكن تتسمى مجازا مراكب.........انما هى فى الواقع قصور ماشية على المياة) يعني انا شفت يخت هناك معمول تكييف ستاير هواء
عارفة على ابواب المحلات .......فيه تكييف بيعمل ستارة هواء تفصل تكييف داخل المحل عن الهواء خارج المحل........فيه بأة يخت هناك كان معمول له فى الصن دك اللى ورا (المساحة المفتوحة فى مؤخرة المركب) ستاير هواء من كل الجوانب ومن السقف وفيه تكييف فى المساحة الداخلية (اللى المفروض مفتوحة تماما على البحر) يعني حاجة افتراء بمعنى اصح
كل الاختيارات موجودة وانا تحت امرك........وقت ما تنوى وتجمعي الناس اديني اوكية وانا موجود
والسلام
اممممممممممم
مش عارفة اقول واو
وله اقول
عااااااااااااااااااااا و سنيف سنيف
بصراحة بصراحة
القرش صعبان عليا جدا
بجد يعني
:(
مش قادرة اقول واو
انتو مش كميلين عشان اصتدوه
بس طبعا كانت مغامرة شجاعة ..وكفاية انها مغامرة
كويس برضه انك صورت
يله حمد الله ع السلامة
أميرة البلطجية
رد فعلك جاء على غير ما كنت اتوقع تماما
:(
يعني انا قلت انتى هتفرحى اوى بالمغامرة البلطجية دي..........احنا بلطجنا على قروش البحر وانتى بتقولى زعلانة؟
بأة احنا مش كميلين عشان اصطدناه؟
يا بنتي ده مؤذى........كفاية انه منع عننا السمك اكتر من نص ساعة واحنا مش فاهمين فية اية...........السمك بيهرب من المنطقة اللى بيدخل فيها.........يعني يضيع علينا نص ساعة صيد و بعدين نسيبه؟
(:
مش بس كدة طبعا
القرش ده حلم حياتي.......فيه ناس حلم حياتها انها تصطاد ابو شراع (المارلين) لكن انا حلم حياتي اصطاد قرش زي ده.........وعايزانى اسيبه؟
عموما انا كنت حاجز النهاردة والاربعاء.........بس لغيت النهاردة وباذن الله طالع الاربعاء عشان اشوف حوار القرش هيرسى علي اية....و ربنا يسهل
استني استني
انتى فاكرة اننا طلعناه؟
يا بنتي القرش مطلعش معانا.........فى الاخر قطع كل الحبال وكسر الوجلتين و البروصي وهرب.........انتى فاكرة اننا طلعناه؟
اقولك اية بس
ياللا مش مهم
تحياتي
يا ربنا
بجد صعب أووووووووي
:(
حمد الله علي السلامه
allaaaaah ya islamist
ana 3ayza 2aroo7
el 3eyal so7aby shaklohom andal wmesh haywadonyyyyyyyyyyyyyyyyyyyyyyyyyyyy
malesh da3wa ana 3yaza 2aro7 ya mamtyyyyyyyyyyyyyyyyyyy
narfeztenyyyyyyyyyyyyyyyyyyyyy
و القادم....أجمل
الله يسلمك
بس المغامرة مش عجبتك؟
لية بس؟
اتمنى تكون المغامرة عجبتك
والسلام
emos
ما تزعليش نفسك.........حاولى تقنعى الاسرة وباذن الله ممكن يوافقوا انكم كلكم تطلعوا
على فكرة انتى ممكن لما تسمعي كلمة 700 جنيه ايجار اليخت او 800 والحاجات دي.....ممكن تتخضى بس على فكرة ده ايجار اليخت كله يعني لما تتقسم على 10 افراد هتلاقى ان نصيب كل واحد حوالى 70 جنيه بس.......ده الغرفة المزدوجة فى فندق 4 نجوم فى السخنة بتكلفك حوالى 180 جنيه فى الليلة......يعني اليخت ارخص من الفندق
!!!!
(:
قولى لهم مميزات الرحلة وانها جميلة ومريحة للنفس وكدة.........و اشترى لهم علبتين درامينيكس قبل الرحلة-ده حبوب منع ال أووووووووووووع- وباذن الله الرحلة تعجبهم ويكرروها كتير صيف وشتاء
و السلام
ya rab sahelha
heyya tenfa3 day use sa7
asl ana malesh 2agazat
emos
ماهى كدة كدة يوم واحد........انتى عايزة تاخدى المركب كذا يوم واللا اية؟
هو طبعا ينفع انها تكون اكتر من يوم......بس هتكون غالية جدا وصعبة كمان ....مش هتبقى ترفيهية......البحر اكتر من يوم بيبقى عذااااااااااب
ربنا يوفقك
والسلام
السلام عليكم
حمدا لله على سلامتكم
والحمد لله
جت سليمة
*
*و فى الختام أحب أحذر كل متصفحى المدونة من النزول للسباحة فى وادي الدوم
ولا تقلق
ولا حتى مركب ولا يخت
البحر اتحرم علينا
من الصيف اللي فات:(
*
*
بي كيرفول"
سلاماتي"
هو أونكل كان بيعمل اية في جنب القرش في آخر الفيديوهاية التانية؟
يا بني أنا قعدت أدور وادي الدوم دي فين طلعت بتبعد عن العين السخنة بـ80 كيلو...يعني تبع محافظة البحر الأحمر
غالباً المنطقة دي أو قربها اللي غرقت فيها سالم إكسبرس...وإن كانت كدة فعلاً فدي منطقة بها أشرس أسماك القرش في العالم...ربنا ستار
:)
حمد الله على السلامة
بجد الفيديو جميل أوييييييييييييييييي
إيموس
تيجي أنا وانتي نروح نصطاد؟ أنا لقيت ناس قرايبنا بيروحوا يصطادوا كتير
أروح أنا وانتي ونغني سوق بينا يا سطا وسط القرش ناكل ذرة ونشرب منجا
ههههههههههههههههههه
:)
نوني
السلام عليكم
الحمد لله على السلامة
يا حراااااام :(
انا كدا هاخد انطباع وحش عن البلوج من اول مرة
لا فعلا يا بختكو ع المغامرات دى
ياريت عندنا الجراة
حمد الله على سلاماتك الحمد لله انك بخير
mesh2dra
لية بس؟
انا احب ان كل الناس تروح البحر
جربي ومش هتندمي
والسلام
noony
مش واخد بالى.........قصدك على اى جزء من الفيديو؟
سالم اكسبريس غرقت امام الغردقة.......على شعب مرجانية عمق 30 متر ......هى منطقة مش عميقة بس القروش فيها غبية......ان شاء الله رايحها اخر اغسطس وربنا يكرم
الله يسلمك......... وباذن الله هييجي يوم وتشوفى الحاجات دي بعنيكي ........ما خلاص بقينا فى ميناء السخنة وربنا يسهلووووووو يا عم
(:
شكرا يا نهاد على السؤال وربنا يديم الود والمعروف
والسلام
كرم مسلم
وعليكم السلام
الله يسلمك
break
لية كدة؟ دي بلوج جميلة
(:
اتمنى ان كل الناس تنبسط وتستمتع بالحياة وتشوف البحر والدنيا وتعرف ولو جزء من عظمة ربنا فى خلق مخلوقاته
والسلام
رفقة عمر
الله يسلمك
اتمنى يكون الفيديو عجبك
سلام عليكم يا أحمد
بص يا سيدي
شروط الالتحاق بالدبلومة انك تبقي خريج اي كلية وتعدي امتحان القبول اللي بيعملوه في سبتمبر تقريبا
حضرتك حتروح جامعة القاهرة كلية اداب شئون الخريجين وهناك حتقدم وحتدفع مصاريف (حوالي تلتمية وشوية ولا قدر الله اللي مش بيعدي الامتحان بيرجعوله حوالى متين منهم)..طبعا الورق..شهادة التخرج..المؤقتة شغالة طبعا..مش فاكرة كام صورة..خد اربعة احتياطى..مستخرج شهادة الميلاد..صورة البطاقة..الصبيان يمكن يكون فيه ورقة من الجيش مش متأكده..بص..انت خد اللي عندك مبدأياً عشان بس تحجز الامتحان..والتقديم افتكر في اغسطس..بس لو عند وقت تعدي بكرة تتأكد يبقي افضل
..عشان بس تتأكد انه لسه عليه وقت
نظام الحضور...المحاضرات مبتبقاش قبل تلاتة اربعة بعد الضهر..واخرها تمانية..حسب عدد المحاضرات
طبعا الحضور عليه نسبة من اعمال السنة..لكن كل دكتور بيبقي ليه نظام.. يعني..انت بعد ما حتحضر مرتين تلاته حتعرف..ساعات حد يذل انفسنا طول الترم ع الحضور والغياب وبعدين في الاخر يقولك حعمل امتحان عليه كل الدرجة..لكن الرسمي ان الحضور والغياب ليه نسبة
وطبعا الدبلومة سنتين
المصاريف اول سنة تلتمية وحاجة وتاني سنة ميه وحاجة
احنا خدنا تسع مواد في سنة اولي
ترجمة ادبية (ع-انجليزي)
ترجمة ادبية (انجليزي - ع)
ترجمة علمية (شاملة بقي الاخبار وكل حاجة مش ادبية) (انج-ع)
ترجمة علمية (ع-انج)
شبة تتبعية
معاجم
عربي
انجليزي (كانم كورس رايتنج بس كل دكتور بيحط اللي على مزاجه)
نظرية الترجمة
في سنة تانية كانو سبعة
ترجمه ادبية (انج - ع)
ترجمة ادبية (ع-انج)
ترجمه علمية
عربى
فورى
ترجمة سياسية واقتصادية
دسكورس اناليسيس
النظرى والعملي...فيه مواد نظرى صرف زي الدسكورس..مواد الترجمة بتبقي ترجمه صرف..لكن مادة زي الفورى مكناش بتدرب فيها فورى ولا حاجة كانت شبه تتبعية ومنظورة اكتر
تقييمي الخاص..انا كخريجة هندسة ..استفدت جدا...بعض صحابي من بتوع السن مكنوش مبسوطين...لكن
الحق يقال...اي كلام بيقف عند دكتور محمد عناني..انت غالبا تسمع عنه..ده اكبر مترجم في الشرق الاوسط اساسا وراجل ترجم من شيسكبير لشعر عربي موزن ومقفي...وليه باااع طويل في الامم المتحدة والبي بي سي ومجمع اللغة ومش عارف ايه..يعني الراجل ده بعد موته..مش حقدر اقولك كام في الميه من الترجمة في العالم العربي حتموت معاه
دكتور عناني بيدي تلات مواد في اولي بس هو مش بيخش يشرح بنظام المواد..لأ..هو بيخش يعلمك يعني ايه ترجمه بمستوي بقي...بمستوى عناني...
فطبعا انت ول دخلت حتخش عشان ده..بعد كده تبقي تقولي اسامي الدكاترة الي الموجودين لأن اللي كانوا بيدوني بعضهم اتغير
بس انا ليا دكتور حبيبتي هناك وبتدي اولى وتانية السنادي ..حبقي اوصيها ان شاء الله
لو عندك جيش اجل عادي...عند فرصة تعيد السنة مرة واحدة لأي سبب..منهم التأجيل عشان الجيش
اظن موضوع التسجيل حبقي مش مسموح لو اتعرف..لكن في الخباثة اكيد ممكن..لكن بحس انه مش مجدي اوي..ممكن تصور المحاضرات
وبعدين انت تأمر..استخير ربنا كده..وعموما انزل هات كتب دكتور عناني بذات كتاب مرشد المترجم وفن الترجمة..دول رفرنس لاي مترجم
وربنا معاك
:)
أحمدوف
.....
بجد ابن الوز عوام
ايه يا بني الحلاوة دي
الفك المفترس مرة واحدة
انت فكرتني انت والناس اللي معاك
بصيادي الفايكنج القدامي
الله ينور عليكو
ارجوك خلي باللك في مثل هذه المواقف
ولو لائيت نفسك مزنوق في الميه قدام
قرش فيا صديقي العزيز الجري كل الجدعنة
ولا يثنيك عن الهروب تريقة السمك عليك
دعهم يتريقوا بدلاً من ان تكون غدوة
سخية لقرش وغد بلطجي بحار
تك
كير
ملحوظة
خد باللك من نصايح اميرة البلطجية
بخصوص الدبلومة وربنا يوفقك
عملت ايه في الشغل
طمني عليك
أميرة
قرأت كلامك كذا مرة عشان اعرف اكون رد
اممممممممممم
جزاك الله خيرا
مش عارف اقول اية...........انتى جبتى الموضوع من طأطأ لسلامو عليكو بجد
بس فيه نقطة.........الشكر الرهيب اللى بسمعه عن دكتور عناني ده معروف وشىء مكرر..........من باب اعطاء كل ذى قدر قدره..............بس مش عارف انا لية مش بحب اسمع كلام كتير عن شخص واحد فى المجال وتعظيمه بشكل مبالغ فيه.........مش بحب كدة.........ولو انى لسة مسمعتوش بس عارف انى لو سمعته هانبهر بيه اكتر من كدة كمان
(:
بغلس عليكي
(:
شكرا يا اميرة وربنا يبارك فيكي على كل خير بتعمليه معايا........واجباتك كترت
هاتى نص جنيه بأة
(:
ربنا يقدرني انى ارد لك حاجة
والسلام
سمسم
ربنا يسهل بخصوص الشغل
فينك من زمان؟ كان نفسي اسمع رايك فى الفك المفترس من زمان
عموما ملحوقة.........فيه رحلات كتيرة جاية باذن الله...........انا كنت هناك الاربعاء اللى فات والحمد لله عملنا شغل كويس..........عايز اشوفك بأة
نصايح اميرة
امممممممم
تصدق يا سمسم؟
بجد بجد
بقولها والدموع فى عينيا بجد
انا كل ما اقرأ كلام لاميرة او نهاد
احس ان امى لسة عايشة
والسلام
nony
allah ya noony
ana mewaf2a
ta3aly nero7 nel3ab ma3 el 2ersh
الشكر لك العمل وعلى درجة جيدة في عطلة نهاية الاسبوع
emos
تبيعيني بالسهولة دي؟
هى بأت كدة؟
طيييييييييييب
نونييييييييييييييييي
خديني معاكو
(:
david santos
thanks for ur emotions
i really like what u do
i like those who support justice & fairness
thanks for all what u do & may God guide me & you to the right way
As-Salamu Alaykom(means peace be upon you)
يا سيدي ربنا يباركلك
المهم عملت ايه؟
وبعدين حلم نشرت الجزء بتاعها
مستنينك يا بطل
الدور عليك
أن أن تششششش
hi ya ahmad..check out this ad
-----
We are seeking Translators to work with us in our officice in Abbass Al-Akkad, Cairo.
If you are interested, please call us at the following numbers:
2721088
010 1382472
Sabry
and of course, Sabry is the place owner's name :D
I notifiying u with it, in case u call :)
أحمد:
آخر جزء من الفيديهاية التانية
في حاجة حد بيمسك بيها القرش من جانبه تقريباً..حاجة مش واضحة أوي
إيموس:
ياللا..احتمال أروح الويك إند دة...تعالي بجد..أنا مستنياكي..تعالي بس وأنا أضبطك إن شاء الله
أميرة:
إية حكاية مكتب عباس العقاد دة؟ فين دة؟ مش عارفة لية أنا مش بثق في المكاتب دي خالص...بالمناسبة تعرفي مترجمة أسباني!؟
أحمد تاني
البلوج بتاعك حلو أوي..كلنا بنكلم بعض هنا...فعلاً منتدى ثقافي
أنا عاجبني أوييييييي
هههههههههههههه
:)
نوني
نوني
والله يا كميل ده اعلان جاني ع الميل
بس الراجل صبرى ده شكله مترجم مهم...بسمع عنه من زمان
لا للاسف يا نوني مش حاضرني حد بيترجم اسباني
اخبارك ايه؟
عااااااااااااااااااااا
يامامااااااااااااا
انا مش باعرف اعوم اصلا بس شكرا للنصيحه
اه على فكره
حفلة ايامنا الحلوه يوم الجمعه27 يوليو الساعه8:30 بساقية الصاوى..قاعة الحكمه
اكبر تجمع بلوجرى اوعوا يفتكوا
Blogger Radio Station
خير يا احمد
مالك بس؟
ايه اللي حصل؟
عموما طمنا
وبالنسبة للعبة لو عايز ادي الدور للي بعدك قولي
بس على طول عشان ابدأ اتصرف
ربنا معاك
واستغفار كتير بقي
ايه يا قومندان
ينفع كده
سلك 100 يحل المشكله يا جميل
برضه انا اللي حقولك
مغامره حلوه
الحمد لله على السلامه
لا دا انا ما كنتش شفت الفيديوهات
اسف ولا سلك 300 حتى
عارف دا كان حله ايه
خرطوش ينهي الموضوع بس معرفش في على اللنش خرطوش ولا لا
المهم برضه حمدا لله على السلامه
أميرة البلطجية
الحمد لله رب العالمين يا حبي
أنا كويسة
صبري مين دة؟ انتي بتسمعي عن حاجات غريبة أوي
:)
أحممممممممممممد
أنت رحت فين يا بني؟
سألتلك على ماجستير ألسن للترجمة...كل الناس قالوا المعلومات اللي أنا عارفها
المختصر المفيد
سيبك منها
ناس معقدة وبتطلع عقدها على البشر
صعبة جداً
وبيضطهدوا أي حد برا ألسن وخصوصاً لغات وترجمة فورية...زي حضرتك يعني
محمد صلاح (محاضر بالجامعة الأمريكية) استثناء للقاعدة دي..بس برضه طلعوا عينه
مش أنا جبت الشهادة بتاعتي؟
شاكلها حلو أوي
عقبالك كدة
:)
نوني
أميرة البلطجية
اولا
لسة معملتش حاجة فى موضوع الدبلومة
(:
يوم الاحد باذن الله اروح اسأل عن موضوع الجيش والتظبيط........ولو انى بفكر اسيبها لغاية ما اعرف نظام الجيش اية اصلا
ثانيا
جزاك الله خير على موضوع الشغل
وهحاول اكلمهم بكرة باذن الله
ثالثا
هحاول اخد بالى لما اتصل
(:
والسلام
Noony
البتاعة اللى بيمسك بيها القرش دي..........اسمها وجلة
عبارة عن عصا طويلة-شومة كبيرة اذا صح التعبير- وفى نهايتها خطاف قوى
القرش بأة كسر الخطافين دول-الوجلتين- والبروصى (هلب رباعي) وقطع 12 حبل وهرب
(:
على فكرة انا طلعت طلعتين الاسبوع ده
واحدة الاربعاء اللى فات
وواحدة امبارح(الثلاثاء)...والحمد لله ربنا كرمنا بحاجات حلوة اوى اوى اوى.....وشفنا قروش كتير بالعبييييييييييييييط.......... السخنة بقت مليانة قروش على فكرة..... بس ربك بيستر.......وبرضة معرفناش نطلع منهم حاجة لانهم كانوا بيهربوا بسرعة(احجام 5 و6 كجم) بس الحمد لله طلعت كوشر وحريد وشخرم وباغة (الباغة دي سمكة مشكلة) وحفار ونقط وحاجات تانية حلوة
اما المنتدى الثقافى
اشكرك بعنف.......بجد انتى رافعة معنوياتي جدا
ده بيتك ومطرحك.........منورة دايما والمدونة منورة بيكي
والسلام
وينكي
انتى مشكلة يا وينكي
هحاول احضر الحفلة وربنا يفرجها فى المواعيد
(:
والسلام
أميرة البلطجية
ادي اللعبة للى بعدي
انا تمام بس مضغوط شوية
مشغول فى مذاكرة وبحث عن عمل وبحث عن ماجستير وحاجات غريبة كدة........ووسط كل دول فيه رحلات صيد وتنظيم رحلات وقروش و ناس مش عايزة تدفع وناس بتهرج وناس بتنزل تعوم فى مناطق احنا مزفرين فيها بدم(راميين دم فى المياة عشان نجمع السمك حولنا) وتلاقى واحد لبس المايوة وعايز ينط........تحاولى تقنعيه ما يقتنعش الا لما يلاقى زعنفة قرش بتبلبط فى المياة جنبنا وترش مياة فى وشه........لحظتها يقتنع ان القفز من المركب خطر
و جيش وتحضير و شقة متأجرة وناس بتهرج و ظروف مادية سخيفة شوية و كورسات لازم تروح تحضرها وشهادات لازم تروح تستلمها..........حاجات كدة
افلااااااااااااااااام وخانقاني
ادعى لى يا اميرة
وربنا يفرجها عليا
وشكرا على نصيحة الاستغفار
جزاكي الله خيرا
والسلام
اسكندراني اوى
يا باشا انت تنورنا على اى مركب.........وعلى فكرة هو كان ممكن ننهيه بشوية مياه حلوة نصبها فى بقه بس احنا كنا مشوشين ومش مركزين معاه
وعلى فكرة الخرطوش كان هيبهدلنا احنا..........اولا مش هيموت من اول ضربة.............ثانيا القروش كتير ومش عايزين نلم علينا اهله واصحابه........هيبقى فرح العمدة على 8 بحارة وصيادين فى البحر وسط كومة قروش
اعمل حساب الدم اللى هيفور فى المياة
اشكرك على النصيحة
و على فكرة هو عايز واير محمل
وعلى فكرة برضة هو قطع لى حداف 100 عليه باغة
وياريت اتشرف بيك فى المدونة دايما
والسلام
نهاد
انا فى السخنة من يومين يا خالتى.........عايز اكلمك بس مفيش وقت
كنت منظم رحلة صغنونة كدة وطبعا على المركب الموضوع عايز قوة شخصية وشكيمة قوية.......كان معانا ناس بتحب تلعب وتهرج بس الحمد لله اتظبطوا والرحلة كانت فوق الروعة
صحبة جميلة وجو جميل واسماك جميلة
ربنا يهدينا ويجعلنا من الفالحين
اللهم امين
اما ماجستير السن
انا كنت عايز اسأل عن دبلومة.........فعلا انا سمعت كدة وسمعت انهم بياخدوا فى الدبلومة 2 و 3 اشخاص فقط سنويا
ربنا يهدي
والسلام
ماشي..ولو أن النقل دي ممكن تعمل ربكة
بس أوكيه
خد بالك..مش مسموحلك تاني تعمل باس
أشته؟
ههههه
ماشي يا عم حدعيلك
امتي نطلع من الدنيا دي بقي ونروح الجنة
اول مرة في حياتي اول الكلمة دي..بس فعلا مخنوقة
سلام يا كابتشين
بقي حتة سمكة رش مش عارفين تطلعوها
ايه دة
وبعدين ما المسكين مستسلم ليكو اهو وفاتحلكم بقو مش عارفين تخلصوا عليه
ثم انتو رايحين تصطداوا سمكة قرش
وتساعدوا علي انقراضاها
وانتو عارفين ان الحاجات دي محظورة
فين البوليس
فين الشرطة
انا هبلغ عنكم شرطة المرافق
قصدي شرطة المايا
يوووو قصدي شرطة السياحة
المهم حمدا الله علي سلامتك ومش تعملها تاني بقي
أميرة البلطجية
كلنا تعبنا من الحياة فعلا..........ربنا يهونها علينا
اية ظروف الحياة معاكي..........كنت شايف استفتاء عن جواز صالونات وحوار كدة...........قلت هنسمع خبر حلو قريبا بس شكل الاستفتاء كان عن حاجات عامة
(:
صباحو ابيض
ومش هاعمل باص تانى يا ستو
:)
والسلام
سمراء النيل
شرطة اية يا سمراء......ده اكل الشرطة يا بنتي
وصل لى خبر من يومين انهم فى السخنة طلعوا واحد مثله تقريبا او هو مش متأكد بالظبط............ وجدوا فى بطنه لما شقوها بقايا عظام ولحم انسان وبقايا ملابس عسكرية مهترئة...........اكتشفوا ان فيه جندي حرس حدود مفقود من شهر وفاكرينه هرب من الخدمة...........اتاريه نزل يعوم او حاجة والقرش ده اصطاده
ولا يهمك
ربنا يستر علينا
والسلام
الاخ اللى مسح تعليقه
لية كدة؟
فرحني بوجودك معايا
والسلام
انا اللى مسحت تعليقى
فى ايه.؟؟
عايز حاجة ؟؟
على الاقل دخلت علقت
امسحه بقى ...اسيبه
تعليقى وانا حرة فيه
اجدع من ناس تانية
لا عاجبهم نكد
ولا عاجبهم ضحك
خليك انت ورا القرش اللى واكل دماغك
وعلى رأى اختى حبيبتى اميرة البلطجية الحكيمة...قالتلى مرة
سيبيه ده لسه متخرج جديد
بكرة ميبقاش فى نفسه حاجة اساسا
ههههههه
عموما يابنى انا كنت دخلت اقولك انى موافقة على اخذ دورك فى اللعبة ومتزعلش نفسك بقى ..والحاجات دى
وبعت كمان لاميرة البلطجية
وبعدين رجعت فى كلامى
رحت مسحاه من عندك وعندها بسرعة قبلما تشوفوه
وبعدين دخل يوسف مكانك وعمل حركة جدعنة
تحياتى
jana
نعم؟ يعني اية تعليقك وانتى حرة فيه؟ هى مدونة قفص تين واللا ستارة حمام؟
دى مدونة اسد البحار..........وحش المحيطات...........قاهر القروش(بلاش الاخيرة دي لحسن يطلع بجد) بس كويس انك انسحبتي............خلينا ورا بعض فى دور تانى فى اللعبة.............وشكرا للاخ يوسف على دور الجدعنة
(:
الحاجة اميرة........دي ست الكل.........فاهمة طبائع النفس البشرية كويس اوى اوى بس الموضوع ده يبدو انه عامل لها مشكلة.........ربنا يهدينا ويهديها
واية موضوع خريج جديد.......عشان فقير يعني واللا عشان لسة مراهق وعقلي غير ناضج؟ ده انا دماغى توزن بلد
ماشى يا نانا
تحياتي
قاهر الرنجة الاول
ملك البحار
قول يا ملك زى مانت عايز حقك
ايه جو الرعب ده
الفيديو فعلا مرعب
كأنى بتفرج على Jaws 2007
بس ناقصه حاجة صغيرة
هدية منى
http://rapidshare.com/files/46299259/jaws_theme.wav.html
سلام
دكتورة مفروسة
ههههههههههههههههههه
مش عارف اقولك اية بصراحة...........شكرا اوى على الثيم
جميلة اوى اوى........فعلا الموضوع كان عايزها.......بس تصدقى...........الحاجة لما بتبقى من غير موسيقى تصويرية بتكون حقيقية اكتر ولو ان الموسيقى التصويرية بتدي طعم تانى للفيديو
اشكرك بشدة على اطراءك على الفيديو
اتمنى يكون عجبك
والسلام
عشاق الگوگل القاء نظرة على هذا الموقع والتمتع
من خلال التواصل مع اكبرموقع متخصص فى عرض العديد من كبري شركات تجهيز محلات تحصل على كافة مستلزمات تجهيز محلات ملابس باقل الاسعار من العديد من شركات تجهيزات سوبر ماركتالتى تعمل على اقل الاسعار مختلفة ومن العديد من الماركت التجارية تجهيز محلات فقط تواصل معنا وتعرف على عرض تجهيز محلات سوبر ماركت باقل الاسعار من خلال زيارة موقع الالكترونى
Post a Comment