القلق

مرحلة عاصفة بعيشها اليومين دول

او بمعنى اصح

الهدوء الذي يسبق العاصفة

اما عن العاصفة

فعاصفة امتحانات...وانهاء أوراق.....واستلام نتيجة....وتقديم أوراق الخدمة العسكرية والتجنيد الالزامي.....ثم فترة الجيش.....ثم البحث عن عمل وعروسة والزواج والأطفال والمسئولية وما الى ذلك

وأما عن الهدوء

فخمووووووووول رهيييييييييييييب يشمل كل مناحي حياتي الان

المفترض أن اكن من الجادين فى الاستذكار....الساعين فى طلب العلم.....ال ال.....

لكن لا شىء

أستيقظ من النوم

اجد نفسي محاصرا بكم من الأشغال والكورسات والأوراق البحثية والملفات التى تنتظر الترجمة

فأذهب للكورسات وأقضى الاشغال -وهذا هو الشىء الوحيد النافع الذي اقوم به طيلة اليوم-ثم بعد ذلك اعد للبيت فى سرعة وكأنى مقبل على ترجمة ميثاق الأمم المتحدة او قرار مجلس الامن الأخير

ثم......لا شىء

نعم لا شىء

اعود فأفاجىء بكم كبير من الابحاث ينتظرنى واشياء كثيرة فتحتها ولم اغلقها بعد

فماذا افعل؟

اجلس للانترنت

حتى موعد النوم

ونادرا ما اذاكر

واذا فعلت....فاستماع لل بي بي سي راديو او تمارين على الانترنت او قراءة الاخبار بالانجليزية

اصدقائى يقولون لى ان ما افعله شىء خرافى بالنسبة لهم حيث انهم لا يملكون كمبيوتر ولا انترنت وغير متاح لهم قراءة اى اخبار بالاساس حتى ولو كانت بالعربية ناهيك عن كونها انجليزية

وانا لا احس انى اتقدم كثيرا او ان معدل التقدم بطىء للغاية

واحس انى لا افعل شيئا اساسا

ولكن

ما المفترض مني؟

ماذا يتوجب على أن أفعل؟

حتى الان وانا لا اعرف ماذا سأعمل بعد التخرج؟

ومجال دراستي واسع للغاية

ان اردت العمل فى الترجمة قمت بالترجمة

وهذه تتفرع للكثير

فهل سأترجم فى الاقتصاد تمهيدا لالتحاقى بمجال اقتصادي مستقبلا

ام اترجم موضوعات سياسية

ام ثقافية

ام تسلية وسينما ورياضة

ام اخبار عامة

ام ام

و اذا أردت ان اعمل بالتدريس

فينبغى لى ان اجتهد فى دراسة اساليب التعامل مع المراحل العمرية المفترض ان اتعامل معها مستقبلا بالاضافة الى اتقانى التحدث باللغة التى سأقوم بتدريسها وكذلك لغوياتها و نظرياتها وآدابها


واذا اردت العمل بالسياحة
فينبغى لى ان اتقن لغة اخرى تماما غير تلك التى امضيت عمرى كله فى استذكارها واتقانها
بالاضافة الى بعض المهارات الاخرى

واذا ....واذا


اعرف ان البعض سيقول: مالا يدرك كله لا يترك كله

ولكن ما بيدي ان افعل؟

اكره ان اكون شاكيا طيلة الوقت

ولا احب ترديد هذه النغمات الحزون على صفحات مدونتي التى احرص كل الحرص ان تكون مبعثا على الضحك والترويح بين المدونات

ولكن

احتاج نصائحكم

وتشجيعكم

وفى النهاية

اجمل حكمة انهي بها هذا الموضوع

حكمة قالتها اميرة


عيش...كل لحظة من حياتك...عيشها وما تعديهاش

شكرا يا اميرة

واوعدك انى هاعيش

هذا أنا

معايا النهاردة حاجة جديدة.....محتار اوى فى نشرها

انشرها واحرق الفضول اللى فى عقل كل واحد عن اللى بيقرأ له؟

انا عن نفسي لو شفت صورة بلوجر هابقى مش
interested
اوى اقرأ له بعد كدة لو كانت كتاباته من النوع العادي........يعني ...على اساس ان فيه عنصر تشويق لما تقرأ لشخص مشفتوش قبل كدة

انشر واللا منشرش؟

انا بقول ننشر....ذيع يا أستاذ ابراهيم
(:

لكل المعجبين...انا جبت لكم صور اخر رحلة
شوفوا الوسامة

الصور فى مارينا وادي الدوم وفى الزعفرانة بس للاسف ما اتصورناش فوق الجرف اياه بتاع الصاعقة لاننا من لهفتنا على السمك فى الاول ما لحقناش وفى الاخر ما عرفناش نتصور لانه ممنوع طبعا-منطقة عسكرية يا اخواننا- وان شاء الله هاجيب لكم صور الرحلات القادمة تباعا



انا وهشام وعمرو......هشام ده محترف صيد درجة اولى ما شاء الله عليه.....ودي صورتنا فى المارينا وانا بتكتك من البرد وكل واحد منهم لابس جاكيت.....بس البتاعة اللى كنت لابسها دي شكلها تقيل بس هى خفيفة جدا
خدوا بالكم من يخوت الخلفية.....اللى اسمه نيو باراكودا اللى  هو تانى واحد على الشمال ورا ده ...هنطلع عليه ان شاء الله  كمان 3 اسابيع لو ربنا يسر الحال.....اليخت ده انا سامع عنه حكايات ناااااااااار عشان الريس بتاعه  مشكلة فى البحر






انا وخلفى الجبل....كانوا بيتريأوا عليا عشان السياسة ويقولوا لى انت شكلك تبع بن لادن والقاعدة....شوية وقالوا لى الجبال دي هنصورك ادامها ونقول عليها جبال تورا بورا وانت بن لادن....ودي صورتى امام جبل تورا الزعفرانة



دي بأة صورونى بيها وانا مش واخد بالى...وكاتبين تحتها فى المنتدى ...صورة أحمد هندي وهو بيصطاد من ترعة السخنة





ودي صورتى مع أول سمكة فى الليلة....كانت سمكة حفارة...الحفار ده فصيلة من المرجان بس سمكة قوية جدا...اللى انتو شايفينها دي كنت بشدها بذراعي مع المكنة وكانت بتقاوم مقاومة عنيفة ولا سمكة وزنها 10 كجم






ودي صورة مع هشام فيشرمان بس من الرحلة الاولى





ودي برضة من الرحلة الأولى





على فكرة هو المفروض ان الصور مساحتها كويسة ودقتها عالية بس هنا فى البلوج ظاهرة صغيرة لكن لو اتفردت على مساحة أوسع هتشوفوا المية فى الخلفية نقية أد اية

وكله كوم واليخوت اللى كانت راسية فى المارينا كانت كوم تانى....كان فيه صورة لحتة يخت وانا متصور فوقه بعد استئذان البحارة....حاجة وهم
المرة الجاية اشوفها مع مين وابقى اجيبها هنا

وتشوفونا فى الرحلات القادمة ان شاء الله

حبيت اعمل افتكاسة و حركة جريئة واعمل تاج ابعته للناس اللى اعرفها

تصفحت اغلب التاجز الموجودة عند الناس

عرفت الاسئلة الشائعة وخدت منها بعضها وابتعدت عن البعض الاخر

وكمان حاسس انى فهمت اللى الاسئلة الهادفة بترمي لية وحبيت احط اسئلة هادفة شوية ويكون الرغى فيها كتير مش مجرد الاجابة بنعم ولا عشان كل واحد يبعبر عن نفسه شوية

اترككم مع الأسئلة
Enjoy


من هو:

أحب شخص لقلبك فى الدنيا؟

انسان مستعد تضحي بحياتك –ركز فى كلمة حياتك- عشانه؟

اسم أول حب؟

اسم اخر حب(حتى الان)؟

انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟

ما هو:

اسم أجمل كتاب كتبه بشر قرأته ومحتفظ به حتى الان؟

اسم كتاب-كتبه بشر برضة- انت متعلق بيه وبتقرأه كل فترة؟

اهم جهاز منزلى انت متعلق بيه او بتستخدمه كتير؟

شىء تحس بالراحة النفسية عندما تنظر اليه؟

مكان تحس فيه بالحنين الى شىء لا تدرى ماهو و ذكريات جارفة الى لاشىء؟

مكان تحس بالراحة عندما تدخله؟

اجمل مدينة زرتها داخل مصر؟

أجمل مكان طبيعي رأيته داخل مصر؟

شخصية كارتونية بتحبها؟

نوع هاتفك المحمول؟

سرعة بروسيسور جهازك؟

حجم ذاكرة –هارد- جهازك؟

المساحة التى تشغلها المواد الاسلامية على جهازك؟

نفس المساحة السالف ذكرها فى قلبك-الاجابة لنفسك عشان الرياء يا اخواننا-؟

أهم هدف انت واضعه لحياتك دلوئتى؟

مواصفات فتاة –أو فتى للبنات- الأحلام بالنسبة لك؟

صف ما يأتى:



شعورك لما بتسمع كلمة مصر؟

شعورك لما بتسمع كلام عن اليهود؟

شعورك لما بتشوف ظابط شرطة؟

شعورك لما بتشوف الكناس العجوز فى الطريق؟

لون البطانية اللى بتتغطى بيها فى الشتاء؟

لون الجورب-الشراب- المفضل لديك؟

احساسك اذا داست قدمك فى الطريق على مخلفات اخراج حيوان- *** ولا مؤاخذة-؟

افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟

احساس يراودك فى اشارة مرور مغلقة بسبب مسئول كبير؟



التاج ده أمرره للاتية أسماؤهم


على واحد من الناس

شاب فأرى

ضاكتور خالد

سمسم

سوسة المفروسة

ايموس

محمود ابن أخ

أميرة البلطجية

حلم الحرية

بس خلاص

لينك....ونسألكم الدعاء

الى كل من أحبهم

اليكم هذا الرابط

http://www.mislamih.com/mi/133.htm

وكمان رحلة بحرية

اول امبارح طلعت رحلة للزعفرانة...مش قادر اوصف ولا اتكلم......بجد كانت اجمل رحلة طلعتها فى حياتي واحلى يومين مروا عليا فى حياتي
هاحكي لكم التفاصيل وانتم تحكموا

بدأنا الرحلة بدعوة متبادلة للصيد...من اسبوع كلمني صاحبي الصياد وقال لى مش حاسس انك عايز تصطاد...قلت له والله نفسي وعندي حنين للسنارة وحاسس انى نسيت مسكتها اصلا-اصل بعيد عنكم الصياد لو قعد اسبوع من غير صيد يحس انه هايتجنن زي المدمن اللى محتاج الجرعة- المهم لقيت التانى بيكلمنى وبيقول نفس الكلام قلت له ياللا يا حاج عايزين نطلع قمنا اتفقنا نطلع مارينا وادي الدوم ونديها صيد-مارينا  وادى الدوم دي عبارة عن قرية يخوت فقط يعني زي قاعدة بحرية وكلها عبارة عن مارينا هاشرح لكم نظامها اية

جهزت  الأكل-اخوكم طباخ انما اية-عملت طواجن مكرونة بشاميل و معاها كبدة بالفلفل و زلابية و شوية سندوتشات على خفيف وصاحبنا التانى جاب الطعم –جمبرى وكاليمارى- وانا جبت شوية دود من بتاع النيل اهو نجرب بيه هناك والتانى جاب كرتونة مية معدنية وعصائر وبيبسى على ميرندا وسفن اب وملينا العربية اكل وشرب كاننا رايحين اسبوع وخدنا العدة الجامدة وطلعنا

فى اول الطريق افتكرت انى نسيت البطاقة او الباسبور او اى اثبات شخصية...طبعا لفينا ورجعنا تانى البيت طلعت اخدتهم ونزلت.....طلعنا على الطريق واديناها مناقشات وضحك وغلاسة لغاية ما وصلنا ....وصلنا المارينا حوالى 8 مساء والجو تحسه كانه الساعة 2 بالليل....البحر عالى والرياح قوية وعايز اوصف لكم المارينا اصلا عشان تعيشوا الجو......القرية اصلا عبارة عن مرسى يخوت ووراه الطريق ووراه جبال البحر الاحمر...المرسى ده عبارة عن جزء من البحر عاملين حواليه طوق صناعى من جلاميد الصخر طوله حوالى 1200 متر وكله جوه البحر....فى نهاية الطوق ده فيه دايرة واسعة نسبيا وفنار والدايرة دي فيها كشاف سبوت كبير بيضربوه فى المية بالليل يقوم السمك الكبير والكاليمارى ييجي على النور واحنا بنقف نصطاد هناك.....طلعنا الحاجة وبدأنا نحضر ولقينا الرجل بتاع فودافون بيقول لنا فيه جماعة اصحابه جايين ورانا يجربوا الصيد شوية بس هم مش بيعرفوا يصطادوا.........قلنا تمام ....شوية ولقينا 3 عربيات داخلة المارينا ونزل منها شلة شباب وسلمنا عليهم...هم دول بأة....قعدنا نضحك ونهرج ونديها صيد وطلعنا شوية سمك محترمين وبعدين واحد منهم قال لنا انه شاف عربية جماعة اصحابهم على الطريق قبلنا بحوالى 10 كيلومتر وعاملين كامب وخيمة ونايت فاير وباربيكيو والقعدة شكلها جامدة وكلمهم قالوا ايوة احنا فعلا ...قمنا قلنا نروح نشوف الحياة واهى خروجة برضة....اغلب القاعدين عجبهم الصيد ومش عايزين يقوموا بس انا حبيت الموضوع وعايز اقوم اشوف الخيمة والمعسكر وكدة....قلت له انا هاجى معاك وطلع معانا اتنين كمان ورحنا....لقيت القعدة جامدة جدا هناك وعاملين زي ماهو قال بالظبط وبيصطادوا برضة والصيد جميل والسمك حلو....اديناها شوية لحمة مشوية وقعدنا نصطاد وفجأة وفى عز الاندماج لقينا صوت من ورانا....اثبت محلللللللللللللك....حرس سلاااااااااااااااااااااااااااااااااح........تك تتك تك –ده صوت شد الأجزاء- ولقيت كل الناس اللى معايا رموا نفسهم على الارض وطبعا عملت زيهم....جه بتوع حرس الحدود وقالوا بتعملوا اية هنا...قلنا بنصطاد سمك وعاملين خيمة وكامب-ماهو دول لو قلت لهم معسكر هيضربوك بالنار ويفتكروك من الاسلاميين- قالوا فين التصاريح-الحمد لله الشباب اللى عاملين الكامب كانوا معاهم التصريح بس احنا لا فقلنا له احنا معاناش عشان كنا معديين بنصطاد فى المارينا ورجعنا نسلم عليهم عشان دول صحابنا-والحمد لله انه معملش دور غلاسة وقال طيب ياللا اتفضلوا ومحدش يقعد غير اللى معاه التصريح-تصريح الصيد وتصريح مخابرات-عشان المهربين يعني بتيجي لهم سفن ترمى شحنات مخدرات فى البحر وهم يغوصوا من اى مكان فى الشاطىء يجيبوها ويخرجوا
....المهم لفينا ورجعنا عالمارينا تانى واديناها صيد لما شبعنا.....عالساعة 10 الصبح كدة خرجنا من المارينا على اساس اننا هنروح...قعدت انا ورا مع صديق ونمنا وبقى 2 صاحيين...صاحب العربية وصاحبنا التالت....شوية لقيتهم بيصحونا وبيقولوا ياللا هننزل...خير يا اخواننا احنا وصلنا واللا اية؟...قالوا لا داحنا هنصطاد تانى!! ولقيت العربية واقفة فوق جرف كبير وتحته المية حوالى مسافة 4 متر بينه وبين المية والمية نفسها عميقة جدا تحت الجرف واجمل حاجة ان الشعب المرجانية من اول الجرف لغاية مسافر حوالى 30 متر من الشاطىء وبعدها الرمال....يعني السمكة هتسكن فى الشعب وتطلع على الرمال تاكل وترجع بيتها تانى....والاجمل من كدة لقينا حتة حريدة –سمكة اسمها حريد او معروفة باسم البغبغان-خضراء كدة وطولها اد الذراع يعني مش اقل من 3 او 4 كجم بتعوم فى المية قرب الشط وحاجة اخر روقان......جرينا كلنا عالعربية وانا اللى كنت نايم بقيت اول واحد فاق وصحصح وجبنا الفايبر والايس بوكس والطعم و المثلجات واخترنا حتة ظل تحت الصخور وتسلقنا لغاية ما وصلنا وقعدنا قعدة تمام التمام والموج بيخبط فى الصخر تحتنا وعلى ما كنت انا بحضر السنارة بتاعتى كان هشام صاحبي رمى سنارته...وحاجة يعني ما شاء الله ......انا اكاد اقسم ان الغماز بتاع سنارته ما وصلش المية ولقيناه اتشد حتة شدة تحت......هوب كان هو شبكها وشد السنارة بسرعة لقينا طلعت معاه حتة دنيسة-ابو نقطة- تعمل حوالى كيلو وربع.
هوب كلنا اسرعنا الايقاع فى التحضير وكان هو رمى تانى وبرضة ما استنتش ثوانى وكانت جايبة حتة حفارة-سمكة اسمه الحفار من فصيلة المرجان كدة بس بيضا وحلوة اوى- وطلعت معاه بعد شد شوية.

طعمت السنارة بتاعتى بالدود ولسة هارمي لقينا شاب لابس تريننج رياضى وهو عملاق اصلا واسمر جدا واقف فوق الجرف وبيقول انتو بتعملوا اية هنا....هنا معسكر لقوات الصاعقة ...منقطة عسكرية وممنوع التواجد فيها.....انتو مشفتوش اليافطة فوق الصخر؟ ياللا اتفضلوا...ممنوع الصيد هنا..

طبعا مش عارف اوصف احساسي اية وانا شايف السمكة البغبغانة ادامي بتلعب فى المية وبتتنطط كمان واحنا كنا متسابقين مين يخطفها وفجأة طلع لنا الزبون ده....يعني صباح النحس...
طلعنا فوق الجرف ونحاول نسترضيه...طيب يمين شمال...طيب لو عايز تصاريح احنا معانا تصريحين...طيب قول بس فهمنا ....لقيناه بيقول يا اخواننا والله فيه تفتيش جاى دلوئتى وميرضيكوش أتأذى ودي فيها سجن...ولقينا فعلا يافطة مكتوب عليها قوات الصاعقة...معسكر تدريب الوحدات البحرية....والشاب فعلا كان ذوق جدا و محترم وكلمنا بكل أدب
طبعا هشام صاحبي خارج من المية هيعيط و لمحت الدمعة فى عين محمد جمال....بس قلنا خيرها فى غيرها ان شاء الله.

طلعنا بعدها على حتة تانية وحاولنا نصطاد فيها بس مكانش فيها سمك خالص او كان فيها بس مطلعش معانا يعني
(:
حاولنا فى المنطقة دي حوالى نص ساعة وانا طلعت منها مرجانة صغيرة قد نص الكف كدة وبعدين يأسنا ورجعنا تانى

دي كانت تفاصيل الرحلة....و برضة بكرر النصيحة لأى واحد عايز يروح اى رحلة....اختار الصحبة الجميلة الاول...فعلا الصحبة هى الرحلة و لو كانت الصحبة معاك حلوة زي اللى كانت معايا امبارح واول ....يبقى ثق انك هتقضى وقت جميل

من المواقف الطريفة اللى حصلت فى الرحلة دي.....واحد من الشباب اللى جم بعدينا –اصحاب صاحبنا- كان مش عارف اى حاجة فى اى حاجة عن الصيد....ووقف ساعة يقول انتو بتربطوا السن ازاى؟ طيب بنرميها ازاى طيب بنحط الطعم ازاى؟.....ويا عيني مكانش عارف اى حاجة ولما جه يرمي رمى غلط والخيط لف حواليه وكان موقفه مضحك جدا والسن شبك فى هدومه وجننه...بس احلى حاجة انه ما يأسش و برضة فضل يقاوم...شوية ولقيناه بيلف ذراع المكنة بسرعة وبيقول سمكة قوية خبطت فى الطعم...ضحكنا وافتكرناها وعرت –وعرت يعني السن شبك فى الصخور وموعر تحت المية- وقلنا له ما تخافش دي وعرت ولسة قبل ما نتحرك عشان نفكها لقينا حتة سمكة ما شاء الله حوالى 2 كيلو ونص طالعة معاه فى السنارة وبتفلفص وهو بيضحك بشكل هستيرى وبيصرخ وبيقول هيييييه هييييييييييييييييه سمكة سمكة.......كلنا بصيناله حتة بصة......تمام يعني......الواد يا عيني من ساعتها مصطادش حاجة....بس على أى حال هو برضة خد الرقم القياسى وطلع اكبر سمكة فى الرحلة كلها-حظ الهواة والمبتدئين بأة..

برضة من الحاجات الجميلة فى المارينا....منظر السمك تحت المية الشفافة...يعني هناك عشان المية شفافة ونقية اوى فبتشوف السمك تحتك بيهجم على الطعم ازاى....كان معايا جمبرى وده بيجنن السمك وبيشد السمك جدا عليه....بس المشكلة ان الجمبرى ضعيف على السن يعني اقل خبطة من اصغر سمكة تخلى الجمبري يقع فلازم انك تضرب على السمكة من اول نقرة عشان السن يشبك فيها
بس اللى اهم من الجمبرى هو الدود.....الدود بأة عشان بتدخله كله فى السن فلازم السمكة هتبلع هتبلع يعني ملهاش حل تانى....كنت ارمي الدودة الاقى ييجي 200 سمكة ملونة بيطلعوا من تحت المية فى سرب كبير ويتخانقوا كلهم على الدود والغمز يشتغل والاقى الغماز اتسحب تحت المية بسرعة جدا اقوم شادد وتطلع الخروفة اللى اكلت الطعم

برضة حصل موقف مضحك جدا...........بالليل لما رميت الرابالا بتاعة الكاليمارى –الرابالا هى الطعم الصناعى يشبه سمكة وفيه سنون وبتحركه فى المية يقوم السمك يهجم عليها ياكلها يفتكرها سمكة تانية- بعد ما رميت الرابالا وبجرب بيها شوية وطلعتها.....لقيت عليها مادة سوداء زي الشمع او الحبر....بسأل محمد صاحبي قال لى ده حبر كاليمارى-اصل الكاليمارى عنده حاجة زي حوصلة حبر...لو دخل عليه سمكة متوحشة تاكله يقوم ينفث الحبر في وشها عشان تخاف منه وهو يهرب جوه الستارة السودا او السحابة السودا اللى الحبر بيعملها فى المية- المهم لقيت صاحبي بيقول لى هو فين؟ قلت له فين اية؟ قال فين الكاليمارى اللى طلعته وبخ الحبر على الرابالا كدة؟ قلت له ما طلعش ...ده تف الحبر عليها بس وسابها ومشى...قال لى يبقى قرف من الرابالا بتاعتك وبيقولك غيرها بحاجة تانية....

شوية وواحد تانى بيرمي الطعم....طلع له السن و الخيط عليهم شوية حبر....اتخنق اوى من الحركة دي.... كمان شوية... لقيت الغماز بتاعى عليه حبر كاليمارى على قمته-الجزء العايم من الغماز او الفلة- اتخنقت اوى اوى من الكاليمارى ده...بعدين هشام صاحبنا بيقول مالكم فيه اية؟ قلت له انا اتخنقت من الكاليمارى ده اللى مقضيها تفافة علينا ولا كأننا خدامين عند أهله....... كل شوية يعدي يتف علينا ويمشى ومبنطلعوش.......قال لى وريني كدة.....وريته الغماز قال ده مش حبر كاليمارى يا اخواننا ....... ده زيت وشحم من اليخوت اللى فى المارينا!!
بعدها كل شوية نضحك على بعض ونقول انتو كنتو فاكرين الكاليمارى معندوش شغلة الا احنا ....يفضل يتف علينا طول الليل؟ ويقول يا مجانيييييييييييين ياللى بتصطادوا!!

حصلت مواقف مضحكة كتير وجميلة

خلاصة القول اتمنى ان كلكم تقضوا حياة صعيدة وتحاولوا بجد تجربوا البحر الاحمر وشواطئه والكاليماري بتاعه....بجد تجربة جميلة جدا.....الرحلة دي على فكرة كلفتنى كلها بالطعم ودخول المارينا والاكل والشرب والادوات الزيادة وبنزين العربية 48 جنية بس...يعني اقل من 50 جنيه
وعلى فكرة البحر الاحمر فاضى جدا ومفيهوش حد خالص....هتنسى الزحام والقرف والتلوث....بجد مكان حلو اوى اوى واتمنى كلكم تقضوا وقت حلو هناك.

وكل رحلة وانتم طيبين

فيديو الرحلة

حد فاكر رحلة الصيد البحرية اللى حكيت عنها؟

الفيديو بتاع الرحلة اهو....الشباب عملوه ورفعوه على يو تيوب

حذروا فذروا انا ميييييييين؟

احلى حاجة انهم ما صورونيش وانا ب أوووووووووووووع


http://www.youtube.com/watch?v=_y249lz-n68

 

على فكرة........... ان شاء الله......... انا طالع الزعفرانة يوم السبت الجاى...صيد من على مارينا برضة...بس هنسهر طول الليل ونرجع تانى يوم الصبح...ادعوا لنا بأة بالرزق الوفير

جزاكم الله خيرا

والسلام

أنا العبد

نشيد حلو جدا سمعته الفترة اللى فاتت وصدقوني حسيت بحاجات حلوة اوى اوى

حسيت ببكاء...وتوبة...وخشوع...وخضوع...ورغبة فى العودة لحب الله

ربي...أحبك وأعلم خطيئتى...أريدك ولا استطيع....تتخطفني الأعداء...الشياطين والهوى ونفسي التى بين جنبيً.....وأنا وحيد وضعيف وابتغي  هداك وعافيتك

اللهم اهدني الى صراطك المستقيم


أنا العبد


أنا العبد الذي كسب الذنوبـــا وصدته الأماني أن يتوبــــــــا

أنا العبـد الـذي أضحـى حزينـــاً على زلاته قلقاً كئيـبــــــــــا

أنا العبد الذي سطـرت علـيـــه صحائف لم يخف فيها الرقيـبــــا

أنا العبد المسيــئ عصـيـت سراً فما لي الآن لا أبدي النحيـبـــا

أنا العبد المفرط ضــاع عـمـــري فلم أرع الشبيبة والمشـيـبـــــا

أنا العبـد الغريـق بلج بحــــــــرٍ أصيـح لربما ألقــى مجيبـــــــــا

أنا العبد السقيـم مـن الخطـايــا وقد أقبلت ألتمـــس الطبيـبــا

أنا العبد الشريد ظلمت نفسي وقد وافيت بابكـم منيـبــــــــا

Finally...a Taaaaaaaaaag

i finally recieved a tag

7elm 7ayaty beyt7a2a2 ya nas
:)

let's start answering

& a huge thank-you to ameera


******************************

1-last beverage? Tee...3 hours ago
.
.
2- last phone call ?2 hours ago.... to a voyage-mate whom i met on my first & last voyage or fishing trip
.
.
3-last instant message ? three days ago....from vodafone informing me that the monthly bill has been reduced to 0-actually it has been cancelled- this month due to my high rate of calls
**********************************************************
4- last cd played ? actually...i have no cd player...but if u mean last movie...hmmmm...i prefer not to say
:)

hahaha...do not let ur thoughts travel abroad...it was about torture in egy detainee houses
.
.
5-last time u cried ? when my ex-fiancee told me we have no other choice but to separate (N.B. I don't cry often as ameera said)......i think i cried heavily afterwards in ramadan.....but let religious matters aside
:)
*****************************************************
hv u evers
1-date some one twice? yes
.
.
2- been cheated on ? a lot of times
.
.
3-lost some one special? a lot of ones
.
.
4- been depressed ? anybody lives in Egypt MUST always be depressed...we have Mubarak...his son...his wife...the ruling family...The SSP(state security police)...the NDP(the national democratic party)...who cann't be depressed!!!!!!!!!
.
.
6- been drunk & throw up ? yes-i mustn't say so but ....yes
.
.
7- favorite colors ? Blue
*********************************************************
this month hv u
1-made a new friend ? I discovered some old friends...i realized they are not this bad & can be tamed to suit my needs....i also made about 18 new friends at a day!!(it was the voyage day ofcourse)
.
.
2-fallen out of love ? Nupe
.
.
3-laughed untill u cried? yes...but out of proudness when i listened to Sub7y Sale7's sermon in Alex
.
.
4-met some one who changed ur life? i don't think i can meet anybody who is capable to change my life anymore...in the mean time i mean!
.
.
5-found out who ur true friends were? yes...but others still to seem ambiguous
.
.
6- is there some thing u want to tell some one? yes..i wanna tell her that i can do it...life can go...days do pass...& i can forget.

i wanna see her for the last time....but not in the mean time..i don't want to be hurt again esp. as exams approach.
.
.

7- how many kids do u want to hv? depends on the mother
:)
i don't mean that depends on her opinion-it sure is required- but i mean depends on her beauty or uglyness..w rabbena yesame7na 3algerema elly bene3melha fe el koon de!-may god forgive us on the crime we are doing to universe right now-
:)
.
.
8-do u wanna change ur name? ofcourse not...i'm so proud of it...it's also a romantic one
(:
.
.
11-wt did u do 4 ur last birth day? i called my friends to inform them of it & to scold them...but they were soooooooo cold & not interested.
.
.
12-wt time u wake up to day? 9 am
.
.
21-most visited web page ? My blog friends.... almasry al youm...egyptians without borders...20at....alahram....alarabeya....ikhwan on line....& egy fishing club forum
>
>
I pass this to

محمود سعيد
سمسم خلاص التاج راح له قبلى
برايد
سوسة المفروسة
على واحد من الناس
شاب فأرى
خالد وليس بخالد
emos

صدمة فريدة

التعليم الحكومى لا يعطي أى تعليم

حقيقة تكتشفها بعد 5 سنين تعليم وانت عايش وهم انك ياما هنا ياما هناك

وفجأة...تكتشف انك لا شىء بالنسبة لسوق العمل...انك محتاج كورسات وتعليم خاص على حسابك بألوف الجنيهات

احساس صعب جدا مش كدة؟

الغريب والطريف ان الاحساس ده بيكون له رد فعل ظريف جدا عند اللى بيحسوا بيه

لو معاه فلوس بيبدأ ياخد الاحتياجات الادنى لسوق العمل مش طلبا للعلم وحبا له ولا عشان يشتغل ويعمل ثروة زي هدف الامريكان والغربيين ما بيتعلموا
لا
ده بيتعلم عشان بيقلد الناس اللى راحت تاخد كورسات فى مكان شيك

ولو معاهوش فلوس بيقابل الامر بلامبالاة غير عادية ولا يمكن تصدر عن انسان عاقل

قابلت الموضوع ده فى الكلية عندنا بنهاية حياتنا الجامعية وانشغال البعض باستطلاع أرض سوق العمل لمعرفة كنه المرحلة المقبلين عليها كلنا

ااااااااااااااااه يا مصر

مرض رهيب بيواجهنا كلنا....اللامبالاة الرهيبة اللى بنعانى منها كلنا واثرها فى سلبية جيل كمان جاى

ألف زائر

وصلت للرقم اللى يوم حلمت بيه

ألف زائر لمدونتي الحبيبة

عقبال الارقام التانية اللى بنقراها عند اخواننا حبايبنا

طبعا موضوع الزوار ليه أهمية خاصة لانه بيعبر عن مدى شعبيتك وسط الناس وكدة-زي ما بيقولوا يعني-وعموما اهو حاجة مفيدة تحسسك انك ليك قيمة فى المجتمع ده لو مشينا على قاعدة انا اكتب اذن أنا موجود.

شكرا لكل من زارني فى الفترة الماضية...شكرا لكل من استمع لآهة من اهاتى او تأمل شكوى من شكاوايا....شكر خاص لسمسم....وشكر ذو حيثيات مختلفة لأميرة البلطجية

عايز اقول حاجة....لو المدونة دي عرفتني بحد اعتبره كنز لا ينضب...فهو محمود سعيد.

أحبكم جميعا

أسألكم جميعا الدعاء باخلاص -صاحبتنا اياها تتوضأ قبل ما تدعى عشان عارف نتيجية دعائها كويس- وربنا يهدي الجميع