عايز أحب
دلوئتى مش عايز احكى ذكريات
دلوئتى عايز اتكلم عن حاجة تانية
انا نفسي أحب واتحب
بجد نفسي يكون معايا
female partner
اشاركها حياتي.......ارن لها وترن لى......احبها واخاف عليها واغير عليها واقولها ما تنزليش الشارع باللبس ده عشان ضيق وخللى بالك متركبيش المترو الساعة 3 عشان زحمة ....... واستنى انا هاجى اوصلك .....احبها وتحبني يا ناس
نفسي فى واحدة ....... افضفض لها وتفضفض لى ......... احكى لها واقولها ناوى على اية وحياتي فيها اية ونفسي فى اية ........ عايز حب بجد مش مجرد صاحبة .انا مش عايز اصاحب وبس.
مش عايز مجرد صاحبة امشى معاها عالكورنيش او نقف على كوبرى قصر النيل وتكون كل العلاقة بيننا انى احاول احط ايدي على كتفها وهى تشيلها وتقولى لم نفسك وبعدين اعمل مأموص وبعدين هى تحن وتيجي تمشى جنبي وتمسك ايدي اقوم ابعد عنها وبعدين احاول احط ايدي على كتفها تانى.وهكذا الى ابد الأبدين زي ما بنشوف فى الشوارع اى اتنين كابلز ماشييين مع بعض بتكون هى دي حياتهم المعتادة الا لو كانوا لسة فى اول العلاقة والواد بيضحك وبيهزر وبيستخف دمه عشان الحلوة يعجبها الكلام وتقع فى الحب
مش معنى كدة انى معملتش ده.....لا ده شىء طبيعي جدا ان اى ذكر فى الدنيا يعمله وان اى شاب هيعرف واحدة اكيد هيعمل كدة ويمشى بالمراحل دي سواء بأة جاب المراحل دي كلها ورا بعضها او جابهم على فترات أو حتى واحدة واحدة على مدار سنة او اتنين...يظل الذكر هو الذكر .........يحب اه ويعشق ويحن ويبقى حنون وطيب وهادي ومستكين ومطيع وحليوة ويصرف جيبه كله على حبيبته ويمى نفسه ادام المترو كمان عشانها.........لكن احتياج الرجل للجنس لازم هيطلع فى وقت ما ويسود الموقف .
عموما انا دلوئتى مش عايز
sex
كاحتياج أولى
انا محتاج الحب ثم الحب ثم الحب
فعلا اجمل حاجة فى الدنيا دي (بعيدا عن التسبيح والقران والدينيات عموما) أجمل حاجة فى الدنيويات انك تحس ان حد خايف عليك وبيحبك
فعلا لحظتها انت بتكون مطمئن جدا لان ليك ظهر تتسند عليه او ليك حضن دافى تترمي فيه
يارب ارزق شباب وبنات المسلمين اجمعين بالزوج الصالح والزوجة الصالحة
امين
Monkey Snowfight